కుంబ్లే దెబ్బకు పాక్‌ కుదేల్​.. ఆ ఘటనకు 21 ఏళ్లు

క్రికెట్‌లో ఒక ఆటగాడు నెలకొల్పిన రికార్డు మరొకరు బ్రేక్​ చేస్తుంటారు. అయితే భారత మాజీ క్రికెటర్ అనిల్​ కుంబ్లే​ పేరిట ఉన్న ఓ రికార్డు మాత్రం.. 21 ఏళ్లుగా చెక్కు చదరకుండా ఉంది. అంతర్జాతీయ క్రికెట్‌లో ఒకే ఇన్నింగ్స్‌లో పదికి పది వికెట్లు పడగొట్టిన జంబూ.. అప్పట్లో సంచలనం సృష్టించాడు.

ఇన్నింగ్స్‌లో ఓ బౌలర్‌ అయిదు వికెట్లు పడగొడితేనే గొప్పగా భావిస్తారు. అలాంటిది ఏకంగా పది వికెట్లు పడగొడితే? అలా సాధించడం చాలా అరుదు. అయితే భారత దిగ్గజ స్పిన్నర్ అనిల్‌ కుంబ్లే ఒకే ఇన్నింగ్స్‌లో పది వికెట్లు పడగొట్టి చరిత్ర సృష్టించాడు.

ఇంగ్లాండ్‌ బౌలర్‌ జిమ్‌ లేకర్ తర్వాత ఈ ఘనత సాధించిన రెండో వ్యక్తిగా రికార్డు నెలకొల్పాడు. అయితే కుంబ్లే ఈ రికార్డు నెలకొల్పి సరిగ్గా నేటికి 21 సంవత్సరాలు. ఫలితంగా ఐసీసీ ఈ చారిత్రక రోజును గుర్తు చేస్తూ ట్వీట్‌ చేసింది. 1999 ఫిబ్రవరి 7న ఈ రికార్డు నమోదైంది. "26.3-9-74-10.. ఒక టెస్టు ఇన్నింగ్స్‌లో పది వికెట్లు తీసిన రెండో బౌలర్‌ అనిల్ కుంబ్లే" అని ట్వీటింది.

• 26.3–9–74–🔟 #OnThisDay in 1999, @anilkumble1074 became only the second bowler to take all ten wickets in a Test innings 🤯 pic.twitter.com/5wKIwJl6hB

  — ICC (@ICC) February 7, 2020 " class="align-text-top noRightClick twitterSection" data="

  26.3–9–74–🔟 #OnThisDay in 1999, @anilkumble1074 became only the second bowler to take all ten wickets in a Test innings 🤯 pic.twitter.com/5wKIwJl6hB

  — ICC (@ICC) February 7, 2020

  ">

  26.3–9–74–🔟 #OnThisDay in 1999, @anilkumble1074 became only the second bowler to take all ten wickets in a Test innings 🤯 pic.twitter.com/5wKIwJl6hB

  — ICC (@ICC) February 7, 2020

పాకిస్థాన్​కు షాక్​

కార్గిల్‌ యుద్ధానికి ముందు 1999 ఫిబ్రవరిలో భారత పర్యటనకు పాకిస్థాన్‌ వచ్చింది. రెండు టెస్టుల సిరీస్‌లో చెన్నై వేదికగా జరిగిన తొలి మ్యాచ్‌లో పాక్‌ విజయం సాధించింది. సిరీస్‌ను కాపాడుకోవాలంటే దిల్లీ వేదికగా జరగాల్సిన రెండో టెస్టులో భారత్‌ తప్పక గెలవాలి. ఆ మ్యాచ్​లో మొదట బ్యాటింగ్‌ చేసిన టీమిండియా... 252 పరుగులు చేసింది. తర్వాత బ్యాటింగ్‌కు దిగిన పాక్‌.. తొలి ఇన్నింగ్స్​లో కుంబ్లే (4/75), హర్భజన్‌ (3/30) ధాటికి 172 పరుగులకే కుప్పకూలింది.

అనంతరం 80 పరుగుల ఆధిక్యంతో రెండో ఇన్నింగ్స్‌ను ఆరంభించిన టీమిండియా 339 పరుగులు చేసి పాక్‌ ముందు 420 పరుగుల భారీ లక్ష్యాన్ని ఉంచింది. అయితే కుంబ్లే (10/74) దెబ్బకి పాక్ కుదేలై రెండో ఇన్నింగ్స్‌లో 207 పరుగులకే చాపచుట్టేసింది. పాక్‌ బ్యాట్స్‌మెన్ అందరినీ వరుసగా పెవిలియన్‌కు పంపిస్తూ కుంబ్లే.. ఒకే ఇన్నింగ్స్‌లో పది వికెట్లు పడగొట్టి అరుదైన రికార్డు సృష్టించాడు. సుదీర్ఘ ఫార్మాట్‌లో అతడి తర్వాత ఈ ఘనత ఇప్పటివరకు ఎవరూ అందుకోలేదు.

• " class="align-text-top noRightClick twitterSection" data="">