న్యూజిలాండ్తో జరిగిన తొలి టీ20లో అద్భుత అర్ధశతకంతో జట్టుకు విజయాన్నందించాడు టీమిండియా యువ బ్యాట్స్మన్ శ్రేయస్ అయ్యర్. 29 బంతుల్లో 58 పరుగులు చేసి 'మ్యాన్ ఆఫ్ ద మ్యాచ్'గా నిలిచాడు. మ్యాచ్ అనంతరం మాట్లాడిన శ్రేయస్.. సీనియర్లు కోహ్లీ, రోహిత్ శర్మలను చూసి చాలా నేర్చుకున్నానని చెప్పాడు.
"సిక్స్తో జట్టుకు విజయాన్నందించడం చాలా సంతోషాన్నిచ్చింది. మంచి భాగస్వామ్యం నెలకొల్పాల్సి ఉంది. మైదానం చాలా చిన్నదిగా ఉంది. నాలుగు ఓవర్లలో 50 పరుగులు ఈ గ్రౌండ్లో చాలా తేలిక. బౌండరీలు కొట్టి బౌలర్లపై ఒత్తిడి పెంచాలని చూశాం. టీమండియాలో కోహ్లీ, రోహిత్ లాంటి గొప్ప ఆటగాళ్లున్నారు. పినిషింగ్ ఎలా చేయాలో వారిని చూసి నేర్చుకున్నా"
-శ్రేయస్ అయ్యర్, టీమిండియా క్రికెటర్
టాస్ ఓడి, మొదట బ్యాటింగ్కు దిగిన న్యూజిలాండ్ 203 పరుగులు చేసింది. ఛేదనలో టీమిండియాకు శుబారంభం లభించింది. రాహుల్ (56) అర్ధసెంచరీతో ఆకట్టుకోగా, కోహ్లీ 45 పరుగులతో మెరిశాడు. శ్రేయస్ 58 పరుగులు చేసి, లాంఛనాన్ని పూర్తి చేశాడు.
ఇవీ చూడండి.. టీ20ల్లో తొలిసారి: ఐదుగురు బ్యాట్స్మెన్ 'హాఫ్' సెంచరీలు
