రెండ్రోజుల్లోనే పింక్ టెస్టు ముగిసిన నేపథ్యంలో మొతేరా పిచ్పై తీవ్ర విమర్శలు వస్తున్నాయి. ఐసీసీపైనా క్రికెట్ మాజీలు ఆరోపణలు చేస్తున్నారు. ఈ నేపథ్యంలో నాల్గో టెస్టుకు బ్యాటింగ్కు అనుకూలంగా వికెట్ను మార్చే అవకాశం ఉంది. ఈ చివరి టెస్టు కూడా మొతేరాలోని నరేంద్ర మోదీ స్టేడియంలోనే జరగనుంది.
ఒక స్టేడియంలోని పిచ్‌లు వేర్వేరు రకాలుగా స్పందించినప్పుడు ఐసీసీ చర్యలు తీసుకునే అవకాశాలు తక్కువ. ఈ నేపథ్యంలోనే.. బ్యాటింగ్ పిచ్ రూపొందించాలన్న నిర్ణయం ఉపకరిస్తుందని బీసీసీఐ భావిస్తోంది.
"తదుపరి టెస్టుకు గట్టి ఉపరితలం ఉన్న వికెట్ను రూపొందించే అవకాశం ఉంది. తిరిగి సంప్రదాయ ఎరుపు బంతితో మ్యాచ్ జరగనుంది. మార్చి 4 నుంచి ప్రారంభమయ్యే చివరి టెస్టులో భారీ స్కోర్లు నమోదవ్వొచ్చు. ఒకే వేదికపై భిన్న ఫలితాలు వచ్చినప్పుడు ఐసీసీ చర్యలకు పాల్పడే అవకాశాలు తక్కువ. అది కూడా మ్యాచ్ రిఫరీ శ్రీనాథ్ ఇచ్చే రిపోర్టుపై ఆధారపడి ఉంటుంది. అందుకే పిచ్ను బ్యాటింగ్కు అనుకూలించేలా తయారు చేయొచ్చు."
-బీసీసీఐ అధికారి.
ప్రస్తుతానికి మొతేరా వికెట్కు సంబంధించి ఇంగ్లాండ్ ఇప్పటివరకైతే ఎలాంటి ఫిర్యాదు చేయలేదని బీసీసీఐ అధికారి పేర్కొన్నారు.
''చాలా మంది ఇంగ్లీష్ మాజీలు పిచ్ గురించి విమర్శలు చేస్తున్నారు.. కొంత మంది వికెట్లకు నేరుగా వచ్చే బంతులను ఆడటంలో బ్యాట్స్మెన్లు విఫలమయ్యారని'' ఆయన చెబుతున్నారు.
ఇప్పటికే 2-1తో ఉన్న ఆతిథ్య జట్టుకు ప్రపంచ ఛాంపియన్షిప్ ఫైనల్ ఆడేందుకు తదుపరి మ్యాచ్ డ్రా అయితే చాలు. అందుకే పిచ్.. స్పిన్కు కాకుండా బ్యాటింగ్కు అనుకూలించేలా మార్చే అవకాశాలు ఉన్నాయని బీసీసీఐ అధికారి పేర్కొన్నారు.
తదుపరి ఐపీఎల్, టీ-20 ప్రపంచకప్లోనూ నరేంద్ర మోదీ స్టేడియం ఆతిథ్యమివ్వనుంది. ఈ విషయాన్ని పరిగణనలోకి తీసుకొని.. కొత్త స్టేడియంపై విమర్శలు రాకుండా చూసుకోవాలని భావిస్తోంది.
వ్యక్తిగత కారణాలతో జస్ప్రీత్ బుమ్రా జట్టుకు దూరమైన నేపథ్యంలో.. అతని స్థానంలో ఎవరిని టీమ్లోకి తీసుకుంటారనే విషయం ఆసక్తికరంగా మారింది. ఇషాంత్తో కలిసి బంతిని పంచుకునేందుకు సిరాజ్, ఉమేశ్లలో యాజమాన్యం ఎవరివైపు మొగ్గు చూపుతుందో చూడాలి.
ఇదీ చదవండి: సౌతాఫ్రికాతో వన్డే, టీ20లకు భారత మహిళా జట్లు ఇవే
