ఆస్ట్రేలియా మహిళల జట్టు గురువారం మెల్బోర్న్ క్రికెట్ గ్రౌండ్(ఎమ్సీజీ)ను సందర్శించనుందని క్రికెట్ ఆస్ట్రేలియా ప్రకటించింది. గతేడాది మహిళల టీ20 వరల్డ్కప్ సాధించి చరిత్ర సృష్టించిన టీమ్పై.. 'ది రికార్డ్' పేరుతో తీసిన డాక్యుమెంటరీ లాంచింగ్ వేడుకలు జరుపుకోవడానికే టీమ్ సభ్యులు రానున్నారని వెల్లడించింది. అయితే ఈ సినిమా అమెజాన్ ప్రైమ్ వేదికగా విడుదల కానుంది.
'ది రికార్డ్' అనేది రెండు సిరీస్లలో వస్తుంది. మైదానంలో వారు చూపిన అద్భుత ప్రదర్శన ఒకటి కాగా.. కప్ సాధించడానికి వారు పడిన శ్రమ ఫలితంగా ఫైనల్ వరకు ఎలా చేరారనేది ఈ డాక్యుమెంటరీలో చూపించనున్నారు.
గ్రౌండ్కు వచ్చే వారిలో ఆస్ట్రేలియా కెప్టెన్ మెగ్ లానింగ్, ఎల్లిస్ పెర్రీ, సోఫీ మోలినక్స్, జార్జియా వేర్‌హామ్, మోలీ స్ట్రానో, టేలా వ్లామింక్లతో పాటు నిర్మాతలు ఏంజెలా పిప్పోస్, నికోల్ మిన్చిన్లు ఉన్నారు.
ఇదీ చదవండి: ఆస్ట్రేలియా మహిళ క్రికెట్ జట్టుపై డాక్యుమెంటరీ
ఇదీ చదవండి: 'ఏ పని చేసినా హార్ట్బీట్ అమాంతం పెరిగేది'
