టీమ్ఇండియా క్రికెటర్ కేఎల్ రాహుల్.. వికెట్ కీపింగ్ గురించి ఆలోచించడం మానేసి బ్యాటింగ్పై దృష్టి పెట్టాలని వెస్డిండీస్ దిగ్గజం బ్రయాన్ లారా సూచించాడు. భారత జట్టులో వికెట్కీపర్ స్థానానికి పంత్కు తొలి ప్రాధాన్యత ఇవ్వాలని అభిప్రాయపడ్డాడు. ధోనీకి సరైనా వారసుడు అతడే అని అన్నాడు.
"కేఎల్ రాహుల్ గొప్ప బ్యాట్స్మన్. అతడు వికెట్కీపింగ్పై కాకుండా బ్యాటింగ్ మీద దృష్టిపెట్టడం మంచిది. ఎక్కువ పరుగులు సాధించే దిశగా కృషి చేయాలి. రిషభ్ పంత్ వికెట్ కీపర్,బ్యాట్స్మన్గా బాగా రాణించలగడు. గతేడాది నుంచి అతడు తిరిగి ఫామ్లోకి వచ్చాడు. ఈ ఐపీఎల్లో అతడి ప్రదర్శనే నిదర్శనం"
-బ్రయాన్ లారా, వెస్టిండీస్ మాజీ క్రికెటర్
దిల్లీ క్యాపిటల్స్కు ఆడుతున్న పంత్.. ఈ ఐపీఎల్లో బాగా రాణిస్తున్నాడు. ఇప్పటివరకు 5 మ్యాచ్‌ల్లో 171 పరుగులు చేశాడు. దీంతో భారత జట్టుకు వికెట్ కీపర్గా ఇతడే సరైన ఎంపిక అని పలువురు మాజీలు అభిప్రాయపడుతున్నారు. ఈ క్రమంలోనే లారా మాట్లాడాడు.
"అతడు క్లాస్ ప్లేయర్. ఈ మెగాలీగ్లో తనదైన ఆటతో ఆకట్టుకుంటున్నాడు. చిన్న చిన్న మార్పులు చేసుకుంటే మరింతగా రాణిస్తాడు" అని సంజూ శాంసన్ గురించి లారా చెప్పాడు.
ఇదీ చూడండి నాన్న చెప్పారు.. అందుకే ఐపీఎల్ ఆడుతున్నా: స్టోక్స్
