'క్వారంటైన్'లో బుమ్రా సాధన​- ఆర్​సీబీ ప్రాక్టీస్​ షురూ

రానున్న ఐపీఎల్​ కోసం వివిధ ఫ్రాంఛైజీల ఆటగాళ్లు ప్రాక్టీస్​ను మొదలుపెట్టారు. కొంతమంది క్రికెటర్లు క్వారంటైన్​లో భాగంగా సాధన చేస్తుండగా.. మరికొందరు తమ యాజమాన్యాలు ఏర్పాటు చేసిన క్యాంప్​లలో కసరత్తులు చేస్తున్నారు.

ముంబయి ఇండియన్స్​ స్పీడ్​స్టర్​ జస్ప్రీత్​ బుమ్రా ఐపీఎల్ కోసం ప్రాక్టీస్​ను ప్రారంభించాడు. ప్రస్తుతం స్వీయ నిర్బంధంలో ఉన్నా.. సాధన​లో ఏ మాత్రం వెనక్కి తగ్గట్లేదు. ఇటీవలే టీవీ వ్యాఖ్యాత సంజనా గణేశన్​ను వివాహమాడిన బుమ్రా.. ఇంగ్లాండ్​తో చివరి రెండు టెస్టులు సహా పరిమిత ఓవర్ల క్రికెట్​కు దూరమయ్యాడు. రానున్న ఐపీఎల్​ కోసం తిరిగి సన్నాహాలు ప్రారంభించిన బుమ్రా.. ప్రాక్టీస్​ విషయాలను ట్విట్టర్​లో షేర్ చేశాడు.

• Quarantining and getting those reps in 💯 pic.twitter.com/FZZeNEei5K

  — Jasprit Bumrah (@Jaspritbumrah93) March 30, 2021 " class="align-text-top noRightClick twitterSection" data="

  Quarantining and getting those reps in 💯 pic.twitter.com/FZZeNEei5K

  — Jasprit Bumrah (@Jaspritbumrah93) March 30, 2021

  ">

  Quarantining and getting those reps in 💯 pic.twitter.com/FZZeNEei5K

  — Jasprit Bumrah (@Jaspritbumrah93) March 30, 2021

2021 ఐపీఎల్​ కోసం బీసీసీఐ విధించిన కొవిడ్ మార్గదర్శకాల్లో భాగంగా బుమ్రా 7 రోజుల తప్పనిసరి క్వారంటైన్​లో చేరాడు. ఇండియా-ఇంగ్లాండ్​ సిరీస్​లో పాల్గొన్న ఆటగాళ్లకు మినహా మిగతా వారందరికీ వారికి కేటాయించిన హోటల్​ రూమ్​లలో స్వీయ నిర్బంధం తప్పనిసరి చేసింది. చెన్నై వేదికగా డిఫెండింగ్​ ఛాంపియన్​ ముంబయి ఇండియన్స్​.. తమ తొలి మ్యాచ్​ను బెంగుళూరుతో ఏప్రిల్​ 9న ఆడనుంది.

బెంగుళూరు ఆటగాళ్ల శిక్షణ షురూ..

రాయల్ ఛాలెంజర్స్​ బెంగుళూరు ఆటగాళ్లు తమ ఫ్రాంఛైజీలు ఏర్పాటు చేసిన క్యాంప్​లలో ప్రాక్టీస్​ ప్రారంభించారు. చెన్నైలోని శ్రీ రామచంద్ర ఇనిస్టిట్యూట్​ ఆఫ్ హయ్యర్​ ఎడ్యుకేషన్​ అండ్ రీసెర్చ్​లో ఈ క్యాంప్​ను ఏర్పాటు చేసింది ఆర్​సీబీ. హెడ్​ కోచ్​ సైమన్​ కటిచ్​, ఆర్​సీబీ క్రికెట్ ఆపరేషన్స్​ డైరెక్టర్​ మైక్ హస్సన్​ ఆధ్వర్యంలో క్రికెటర్లు సాధన షురూ చేశారు.

స్పిన్నర్ యుజ్వేంద్ర చాహల్​తో పాటు పేసర్ మహ్మద్​ సిరాజ్, నవ​దీప్ సైనిీ ఈ క్యాంప్​లో చేరారు. వీరితో పాటు హర్షల్​ పటేల్, షాబాజ్​ అహ్మద్, పవన్ దేశ్​పాండే, మహమ్మద్ అజారుద్దీన్, రజత్​ పటిదార్, సచిన్ బేబీ, సుయాశ్​ ప్రభుదేశాయ్​, కేఎస్ భరత్​.. ఈ క్యాంపులో ఉన్నారు. మిగతా క్రికెటర్లు వారి 7 రోజుల తప్పనిసరి క్వారంటైన్ అనంతరం జట్టుతో చేరనున్నారు.

జట్టుతో చేరిన ఇషాంత్​, రహానె, ఉమేష్..

దిల్లీ క్యాపిటల్స్​ ఆటగాళ్లు ఇషాంత్ శర్మ, ఆజింక్య రహానె, అమిత్ మిశ్రా, ఉమేష్​ యాదవ్​.. దిల్లీ క్యాపిటల్స్​ జట్టుతో కలిశారు. తమ తొలి నెట్​ సెషన్​లో పాల్గొన్నారు. వాంఖడే వేదికగా ఏప్రిల్​ 10న దిల్లీ తమ తొలి మ్యాచ్​ను చెన్నైతో ఆడనుంది.

ఇదీ చదవండి: 'స్మిత్​.. కెప్టెన్సీ స్థానం ఖాళీగా లేదు'