భారత స్టార్ బౌలర్ జస్ప్రీత్ బుమ్రా.. ఇటీవలే గాయం నుంచి కోలుకుని జట్టులోకి రీఎంట్రీ ఇచ్చాడు. కివీస్తో టీ20 సిరీస్లో అద్భుత ప్రదర్శన చేసి, ప్రపంచ రికార్డు సృష్టించాడు. ఈ ఫార్మాట్లో అత్యధిక మెయిడెన్లు(7) వేసిన తొలి బౌలర్గా నిలిచాడు. ఇప్పటివరకు తొలిస్థానంలో ఉన్న శ్రీలంకకు చెందిన కులశేఖర(6)ను అధిగమించాడు.
చివరి మ్యాచ్లో నాలుగు ఓవర్లలో 12 పరుగులిచ్చి 3 వికెట్లు పడగొట్టాడు బుమ్రా. 'ప్లేయర్ ఆఫ్ ద మ్యాచ్'గానూ నిలిచాడు. ఈ పోరులో న్యూజిలాండ్పై ఏడు పరుగుల తేడాతో టీమిండియా విజయం సాధించింది.
కివీస్తో టీ20 సిరీస్ను 5-0 తేడాతో వైట్వాష్ చేసింది భారత్. సమష్టిగా రాణించిన కోహ్లీసేన.. వన్డే, టెస్టు సిరీస్కు సిద్ధమవుతోంది. తొలి వన్డే హామిల్టన్లో ఈ బుధవారం జరగనుంది.
