భారత స్పిన్నర్ రవిచంద్రన్ అశ్విన్ టెస్టుల్లో అద్భుతమైన రికార్డు సాధించాడు. సుదీర్ఘ ఫార్మాట్లో వేగంగా 400 వికెట్లు తీసిన బౌలర్ల జాబితాలో రెండో స్థానంలో నిలిచాడు. ఇందుకు అశ్విన్ 77 టెస్టులు తీసుకోగా.. శ్రీలంగ దిగ్గజ స్పిన్నర్ మురళీధరన్ 72 మ్యాచ్ల్లో ఈ ఘనత సాధించాడు.
అహ్మదాబాద్ వేదికగా జరుగుతోన్న పింక్ టెస్టులో ఇంగ్లాండ్ రెండో ఇన్నింగ్స్లో ఆర్చర్ వికెట్ తీసి.. ఈ ఫీట్ సాధించాడు యాష్. తాజా ఫీట్తో అశ్విన్.. న్యూజిలాండ్ బౌలింగ్ లెజెండ్ రిచర్డ్ హాడ్లీ, సౌతాఫ్రికా పేస్ దిగ్గజం డేల్ స్టెయిన్ను అధిగమించాడు. వీరిద్దరికీ ఈ రికార్డు అందుకోవడానికి 80 టెస్టులు పట్టింది.
అన్ని అంతర్జాతీయ ఫార్మాట్లలో కలిపి 600 వికెట్లు తీసిన బౌలర్గానూ అశ్విన్ రికార్డు సాధించాడు. బుధవారం నాటి మ్యాచ్లో జహీర్ ఖాన్ను అధిగమించాడు యాష్. ఈ జాబితాలో భారత బౌలర్లలో అశ్విన్ కంటే ముందు అనిల్ కుంబ్లే(953), హర్భజన్ సింగ్(707), కపిల్ దేవ్(687) ఉన్నారు.
ఇంగ్లాండ్ బ్యాట్స్మెన్ బెన్ స్టోక్స్ను అత్యధిక సార్లు ఔట్ చేసిన బౌలర్గానూ అశ్విన్ రికార్డు సాధించాడు. యాష్ ఇప్పటివరకు 11 సార్లు స్టోక్స్ను పెవిలియన్ చేర్చాడు.
ఇదీ చదవండి: 81 పరుగులకు ఇంగ్లాండ్ ఆలౌట్- భారత్ లక్ష్యం 49
