టీమిండియాలో అవకాశాలు రాకున్నా రంజీల్లో సత్తాచాటుతున్న వసీం జాఫర్... క్రికెట్లోని అన్ని ఫార్మాట్లకు నేడు (శనివారం) వీడ్కోలు పలికాడు. ఇకపై దేశవాళీ మ్యాచ్ల్లోనూ బరిలోకి దిగనని స్పష్టం చేశాడు.
ఇటీవల రికార్డు
రంజీల్లో విదర్భకు ప్రాతినిధ్యం వహిస్తోన్న వసీం.. ఇటీవలే ఓ రికార్డు సృష్టించాడు. ఈ టోర్నీలో 12 వేల పరుగుల మైలురాయిని చేరుకున్న తొలి బ్యాట్స్మన్గా ఘనత సాధించాడు. ఈ ఫార్మాట్లో 150 మ్యాచ్లాడిన తొలి క్రికెటర్గానూ నిలిచాడు.
రంజీల్లో 19 సీజన్లు ముంబయికు ప్రాతినిథ్యం వహించిన జాఫర్.. తర్వాత విదర్భ మారాడు. వరుసగా రెండు రంజీ టైటిల్స్‌ సాధించిన విదర్భ జట్టులో జాఫర్ సభ్యుడు. 1996-97 సీజన్లో దేశవాళీ అరంగేట్రం చేసిన జాఫర్.. తన ఆటతీరుతో భారత జట్టుకు ఎంపికయ్యాడు. 2000 నుంచి 2008 వరకు టీమిండియా తరఫున 31 టెస్టులు ఆడాడు. 1944 పరుగులు చేశాడు. ఇందులో 5 శతకాలు, 11 అర్ధసెంచరీలు, ఓ ద్విశతకం ఉన్నాయి. 2006లో విండీస్పై 212 పరుగులు.. టెస్టుల్లో అతడి అత్యుత్తమ వ్యక్తిగత స్కోరు. టీమిండియా తరఫున రెండు వన్డేలు కూడా ఆడాడు. 2008లో దక్షిణాఫ్రికాతో జరిగిన అంతర్జాతీయ మ్యాచ్లో చివరిసారి కనిపించాడు. కెరీర్లో మొత్తం 24,875 పరుగులు, 67 శతకాలు చేశాడు. ప్రస్తుతం బంగ్లాదేశ్ అండర్-16 నుంచి అండర్-19 జట్లకు బ్యాటింగ్ కోచ్గా పనిచేస్తున్నాడు. ప్రస్తుతం కింగ్స్ ఎలెవన్ పంజాబ్ జట్టుకు బ్యాటింగ్ కోచ్గా పనిచేస్తున్నాడు.
