జీవితంలో ఎంత పెద్దవాళ్లమైనా అప్పుడప్పుడూ అందరిలోనూ చిన్నపిల్లల మనస్తత్వాలు బయటపడుతుంటాయి. ప్రతి ఒక్కరూ.. బాల్యంలో తోటి పిల్లలతో చేసిన అల్లరి, కలిసి ఆడుకున్న జ్ఞాపకాలు, పోట్లాడుకున్న సందర్భాలు.. ఎప్పుడో ఒకప్పుడు గుర్తు చేసుకొంటుంటారు. అందరిలా చేస్తే వెరైటీ ఏముంటుందనుకున్నారో ఏమో.. టీమ్ఇండియా ఆటగాళ్లు. ఏకంగా చిన్నపిల్లల్లా మారిపోయారు. ఏది చేయాలనిపిస్తే అది చేశారు. తోటి క్రికెటర్లతో కలిసి చిన్నపిల్లల్లా సరదాగా గడిపారు.
- " class="align-text-top noRightClick twitterSection" data="
">
ఇంగ్లాండ్తో టెస్టు సిరీస్ విజయాన్ని.. టీమ్ఇండియా పూర్తిగా ఆస్వాదిస్తోంది. ఈ శుక్రవారం నుంచి మొతేరాలో జరిగే ఐదు టీ20ల సిరీస్ నేపథ్యంలో ఆటగాళ్లంతా అహ్మదాబాద్‌లోని హోటల్లో ఉంటున్నారు. ఈ క్రమంలోనే తాజాగా అక్కడున్న కిడ్స్‌ ప్లే జోన్‌లో సరదాగా గడిపారు. రోహిత్‌ శర్మ, రిషభ్ పంత్‌, కుల్‌దీప్‌ యాదవ్‌, శిఖర్‌ధావన్‌ చిన్నపిల్లల్లా ఎంజాయ్ చేశారు. ధావన్‌ ఆ వీడియో పంచుకోగా అందులో.. అతడితో పాటు కుల్‌దీప్‌ చిన్నపిల్లడిలా సైకిల్ తొక్కుతూ కనిపించారు. మరోవైపు పంత్‌, హిట్‌మ్యాన్‌ ప్లాస్టిక్‌ బంతులతో కొట్లాడుకున్నారు. ప్రస్తుతం ఈ వీడియో నెట్టింట్లో వైరల్‌గా మారింది.
ఇదీ చదవండి: కెప్టెన్గా ధోనీ పేరును ఎవరు సిఫార్సు చేశారంటే..
