అడిలైడ్లో జరుగుతున్న భారత్-ఆస్ట్రేలియా డే/నైట్‌ టెస్టు రెండో రోజు ముగిసింది. 233/6తో రెండో రోజు బ్యాటింగ్కు దిగిన భారత్.. తొలి ఇన్నింగ్స్లో 244 పరుగులకు ఆలౌట్ అయింది. అనంతరం ఆస్ట్రేలియాను 191 పరుగులకే కట్టడి చేసింది. అశ్విన్ (4/55), ఉమేశ్ యాదవ్ (3/40), బుమ్రా (2/52) కంగారూ జట్టును బెంబేలెత్తించారు.
ఆస్ట్రేలియా కెప్టెన్‌ టిమ్ పైన్ (73*) ఒంటరి పోరాటం చేశాడు. లబుషేన్‌ (47) రాణించాడు. భారత్‌కు తొలి ఇన్నింగ్స్లో 53 పరుగుల ఆధిక్యం లభించింది. అనంతరం రెండో ఇన్నింగ్స్ ప్రారంభించిన కోహ్లీసేన.. 6 ఓవర్లు ఆడి వికెట్ నష్టానికి 9 పరుగులు చేసింది. క్రీజులో మయాంక్ అగర్వాల్ (5), బుమ్రా (0) ఉన్నారు.
