భారత్-ఆస్ట్రేలియా మధ్య జరుగుతున్న తొలి వన్డేలో కంగారూలు7 వికెట్లు కోల్పోయి 236 పరుగులు చేసింది. హైదరాబాద్ ఉప్పల్ వేదికగా జరుగుతున్న మ్యాచ్లో కోహ్లీ సేన బౌలింగ్తో ఆకట్టుకుంది. టాస్ గెలిచి బ్యాటింగ్ ఎంచుకున్న కంగారూ జట్టుకు ఆరంభంలోనే ఎదురుదెబ్బ తగిలింది. జట్టు ఖాతా తెరవకముందే రెండో ఓవర్లో ఫించ్ని స్లిప్లో దొరకబట్టేశాడు బుమ్రా. ఉస్మాన్ క్వాజా అర్థశతకం చేయగా, మ్యాక్స్వెల్(40) రాణించాడు.
అనంతరం స్టోయినీస్(37), ఉస్మాన్ క్వాజా(50) జంట నిలకడగా ఆడి స్కోరు బోర్డుని ముందుకు నెట్టింది. స్టోయినీస్ని ఔట్ చేసిన కేదార్ జాదవ్.. 87 పరుగుల భాగస్వామ్యాన్ని నమోదు చేసిన ఈ జంటను విడదీశాడు. కాసేపటికే కుల్దీప్ బౌలింగ్లో విజయ్శంకర్కు క్యాచ్ ఇచ్చి క్వాజా వెనుదిరిగాడు. చివర్లో అలెక్స్(36), నాథన్ కౌల్టర్నైల్(28) వికెట్ పడకుండా జాగ్రత్త పడి గౌరవప్రద స్కోరు చేయడంలో కీలకపాత్ర పోషించారు.
కుల్దీప్, మహమ్మద్ షమీ చెరో రెండు వికెట్లు తీసుకున్నారు. క్వాజా, హ్యాండ్స్కోంబ్(19) వికెట్లు తీసి ఆస్ట్రేలియాను తక్కువ స్కోరుకే కట్టడి చేయడంలో కీలకపాత్ర పోషించాడు కుల్దీప్. ప్రమాదకరంగా మారుతున్న మ్యాక్స్వెల్, టర్నర్ని బౌల్డ్ చేసి భారత్ లక్ష్యాన్ని కుదించాడు. బుమ్రా కూడా ఫించ్, కౌల్టర్ నైల్ ఔట్ చేసి రెండు వికెట్లు తన ఖాతాలో వేసుకున్నాడు.
