ఈ ఏడాది అక్టోబర్-నవంబర్లో ఆస్ట్రేలియా వేదికగా జరగాల్సి ఉన్న టీ20 ప్రపంచకప్ కరోనా కారణంగా వాయిదా పడింది. అయితే వచ్చే సంవత్సరం భారత్లో జరగాల్సి ఉన్న 2021 టీ20 ప్రపంచకప్ యథావిధిగా జరగనుంది. ఈ ఏడాది వాయిదా పడ్డ టోర్నీని 2022లో ఆస్ట్రేలియా వేదికగా నిర్వహించనున్నారు. నేడు జరిగిన ఐసీసీ సమావేశంలో ఈ నిర్ణయం తీసుకున్నారు.
అలాగే వచ్చే ఏడాది జరగాల్సి ఉన్న మహిళల ప్రపంచకప్ 2022కు వాయిదా పడింది. ఆ ఏడాది మార్చిలో ఈ టోర్నీ నిర్వహించనున్నట్లు ఐసీసీ తెలిపింది.
భారత్ 2023 వన్డే ప్రపంచకప్కు కూడా ఆతిథ్యం ఇస్తోంది. ఇంతకుముందు 2011లో జరిగిన మెగాటోర్నీని శ్రీలంక, బంగ్లాదేశ్లతో కలిసి నిర్వహించింది ఇండియా. ఈ టోర్నీలో ఫైనల్లో శ్రీలంకపై గెలిచి విశ్వవిజేతగా నిలిచింది ధోనీసేన.
