భారత్తో టీ20 సిరీస్కు ముందు ఆసక్తికర వ్యాఖ్యలు చేశాడు ఇంగ్లాండ్ కెప్టెన్ ఇయాన్ మోర్గాన్. టీ20 ప్రపంచకప్కు ముందు జరుగుతున్న ఈ పరిమిత ఓవర్ల సిరీస్లను తాము సన్నాహాక మ్యాచ్లాగా పరిగణిస్తామని తెలిపాడు. సొంతగడ్డపై భారత్ను ఎదుర్కోవడం చాలా కష్టమని అభిప్రాయపడ్డాడు. ప్రపంచంలోనే అత్యుత్తమ జట్టుతో పోటీపడబోతున్నామని వెల్లడించాడు.
వైట్బాల్ క్రికెట్లో టీమ్ఇండియాను ఎదుర్కోవడం సవాలుతో కూడుకున్నదని మోర్గాన్ తెలిపాడు. విరాట్ నేతృత్వంలోని భారత జట్టు.. పరిమిత ఓవర్ల క్రికెట్లో పటిష్టంగా ఉందన్నాడు.
"టీ20 వరల్డ్కప్ భారత్లో జరగనుంది. టీమ్ఇండియా టైటిల్ ఫేవరేట్గా బరిలోకి దిగుతుందనడంలో ఎలాంటి సందేహం లేదు. ఈ సిరీస్ ఆసాంతం మాకు కఠిన పరీక్ష ఎదురవనుంది. ఒక టీ20లు మాత్రమే కాదు.. రెండు సిరీస్లు సవాల్తో కూడినవి."
-ఇయాన్ మోర్గాన్, ఇంగ్లాండ్ వన్డే, టీ-20 కెప్టెన్.
పేసర్ జోఫ్రా ఆర్చర్తో సహా తమ ఆటగాళ్లందరూ ఫిట్గా ఉన్నారని, సిరీస్కు అందరూ అందుబాటులో ఉంటారని మోర్గాన్ స్పష్టం చేశాడు. జట్టు కూర్పుపై అడిగిన ప్రశ్నకు సమాధానం చెప్పడానికి ఇయాన్ తిరస్కరించాడు.
ఇదీ చదవండి: రికార్డ్ అలర్ట్: మిథాలీ పది వేల పరుగులు
