ఐపీఎల్లో చెన్నైసూపర్కింగ్స్తో తన అనుబంధాన్ని గుర్తుచేసుకున్నాడు సీనియర్ క్రికెటర్ పార్థివ్ పటేల్. గత 12 ఎడిషన్లపై జరిగిన ఓ చర్చా కార్యక్రమంలో జట్టు సహా సారథి ధోనీ గురించి ఆసక్తికర విషయాలు వెల్లడించాడు. 2008లో జరిగిన ఫైనల్లో ధోనీ మ్యాచ్కు ముందు కేవలం రెండు నిమిషాలు మాత్రమే అందరితో సమావేశం నిర్వహించాడని చెప్పాడు. కెప్టెన్గా మహీ ప్రతి ఒక్కరిని ముందే అర్థం చేసుకుంటాడని.. అందుకే అలాంటి సమయాల్లో పెద్దగా చర్చించడని వెల్లడించాడు.
"2008 ఫైనల్ మ్యాచ్ ఆడటానికి వెళ్లేముందు కేవలం 2 నిమిషాలే బృంద సమావేశం జరిగింది. 2019లోనూ మహీ అలానే చేసి ఉండొచ్చు. ప్రతి ఆటగాడి గురించి అతనికి పూర్తి అవగాహన ఉంటుంది. చెన్నై సూపర్కింగ్స్లో ఆడటం వల్ల మైఖేల్ హస్సీ, స్టీఫెన్ ఫ్లెమింగ్, మాథ్యూ హెడెన్ల నుంచి చాలా విషయాలు నేర్చుకున్నా"
-పార్థివ్ పటేల్
"తుదిజట్టులోని సభ్యులు ప్రతి ఒక్కరూ ఏదో ఒక పాత్ర పోషించాల్సి ఉంటుంది. ఆ విషయంలో మహీ చాలా పక్కాగా ఉంటాడు. ఐపీఎల్ ప్రణాళికలు వెంట వెంటనే మారిపోతుంటాయి. విశ్లేషణలు, వ్యూహాలు, ఎత్తులు రచించడం చాలా ముఖ్యం. అప్పట్లో చివరి 5 ఓవర్లలో మేము 30 నుంచి 36 పరుగులు చేస్తే సరిపోయేది. కానీ ఇప్పుడు 50 నుంచి 60 రన్స్ చేసినా సరిపోవట్లేదు" అని చెప్పాడు పార్థివ్.
2008 ఐపీఎల్లో చెన్నై జట్టు అద్భుతంగా ఆడినా.. ఫైనల్లో తడబడి పెద్దగా అంచనాల్లేని రాజస్థాన్ రాయల్స్కు టైటిల్ అప్పజెప్పింది.
