భారత మహిళ క్రికెట్ జట్టు మరో సమరానికి సిద్ధమైంది. రేపటి నుంచి ఇంగ్లండ్తో మూడు మ్యాచ్ల టీ-ట్వంటీ సిరీస్ ఆడనుంది. ఇప్పటికే వన్డే సిరీస్ను 2-1 తేడాతో గెలుపొంది అదే ఫలితాన్ని పునరావృతం చేయాలని భావిస్తోంది. స్మృతి మంధాన కెప్టెన్గా వ్యవహరించనుంది.
ఇంతకు ముందు న్యూజిలాండ్ పర్యటనలో వన్డే సిరీస్ 2-1తో గెలిచి, పొట్టి ఫార్మాట్ను 0-3 తేడాతో ఓడిపోయింది ఉమెన్ ఇన్ బ్లూ.
టీ20 సారధి హర్మన్ ప్రీత్ కౌర్ మోకాలి గాయం నుంచి కోలుకోలేదు. దాంతో సూపర్ ఫాంలో ఉన్న స్మృతి మంధానకు కెప్టెన్గాను నిరూపించుకునే అవకాశం లభించింది. కివీస్ పర్యటనలో సెంచరీ, ఇంగ్లండ్తో వన్డే సిరీస్లో రెండు అర్ధ సెంచరీలు చేసిన ఆమె ఇప్పటికే బ్యాట్స్ ఉమెన్గా విజయవంతమైంది.
హార్మన్ ప్రీత్ గైర్హాజరుతో అందరి కళ్లు మిథాలీ ఆటపైనే ఉండనున్నాయి. న్యూజిలాండ్ పర్యటనలో ఆమెకు తొలి రెండు టీ20ల్లో అవకాశం లభించలేదు. మూడో మ్యాచ్లో 24 పరుగులు చేసి నాటౌట్గా నిలిచింది. ఇక ఈ సిరీస్లో ఎలా ఆడుతుందో చూడాలి.
వచ్చే ఏడాది జరిగే టీ20 ప్రపంచకప్కు ముందే ఆమె రిటైరయ్యే సూచనలు కనిపిస్తున్నాయి. మరి ఈ సిరీస్లో మిథాలీ అనుభవం జట్టుకు ఏ విధంగా ఉపయోగపడుతుందో...!
గతేడాది టీట్వంటీ ప్రపంచకప్ తర్వాత జట్టులోకి ఎంట్రీ ఇస్తోంది వేద కృష్ణమూర్తి. హర్లిన్ డియోల్, భారతి పుల్మలి తమ బౌలింగ్ను నిరూపించుకునేందుకు ఇదే సరైన అవకాశం. లెఫ్ట్ ఆర్మ్ పేసర్ కోమల్ జంజడ్ ఈ సిరీస్తో అరంగేట్రం చేస్తోంది. శిఖా పాండే పేస్ బౌలింగ్ బాధ్యతలు చూడనుంది.
జట్లు(అంచనా)
భారత్...
స్మృతి మంధాన(కెప్టెన్),మిథాలీ రాజ్, జెమీమా రోడ్రిగ్స్, దీప్తి శర్మ, తానియా భాటియా(వికెట్ కీపర్), భారతి పుల్మలి, అనుజా పాటిల్, శిఖా పాండే, కోమల్ జంజడ్, అరుంధతి రెడ్డి, పూనం యాదవ్, ఏక్తా బిస్త్, రాధ యాదవ్, వేదా కృష్ణమూర్తి, హర్లిన్ డియోల్.
ఇంగ్లండ్..
టామీ బ్యూమాంట్, కేథరిన్ బ్రంట్, కేట్ క్రాస్, సోఫీ బ్రౌన్, ఫ్రేయా ఎల్విస్, జార్జియా ఎల్విస్, అమీ జోన్స్, హేతర్ నైట్(కెప్టెన్), లారా మార్ష్, స్కీవర్, అన్యా ష్రబ్షోల్, లిన్సే స్మిత్, లారెన్ విన్ఫీల్డ్, వ్యాట్, అలెక్స్.
ఇవి కూడా చదవండి:
