ఐసీసీపై పరోక్షంగా అసహనం వ్యక్తం చేశాడు టీమ్ ఇండియా సారథి విరాట్ కోహ్లీ. "లాక్డౌన్లో అకస్మాత్తుగా టెస్టు ర్యాంకింగ్స్లో నిబంధనలు మార్చేస్తే.. మా చేతిలో ఏమీ ఉండదు" అని అన్నాడు.
మంగళవారం ఇంగ్లాండ్పై టీమ్ ఇండియా తొలి టెస్టు ఓటమి అనంతరం ప్రపంచ టెస్టు ఛాంపియన్షిప్ పాయింట్ల పట్టికలో భారత్ నాలుగో స్థానానికి పడిపోయింది. ఈ నేపథ్యంలోనే పైవ్యాఖ్యలు చేశాడు కోహ్లీ.
"లాక్డౌన్లో అకస్మాత్తుగా నిబంధనలు మార్చేస్తే మా చేతుల్లో ఏం ఉంటుంది? మైదానంలో ఎలా ఆడాలనేదే మా అధీనంలో ఉంటుంది. అయినా పాయింట్ల పట్టిక గురించి మాకు ఏ బెంగ లేదు. ఇది మాపై ఎటువంటి ప్రభావం చూపదు. మా జట్టు పాయింట్ల పట్టికను దృష్టిలో పెట్టుకుని ఆడదు. ఈ టెస్టు మ్యాచ్కు ముందు ఇంగ్లాండ్కు టెస్టు ఛాంపియన్షిప్ ఫైనల్లో అర్హత సాధించే అవకాశాలున్నాయని కూడా ఎవరూ ఆలోచించి ఉండరు. కానీ ఇప్పుడు వారు టేబుల్ అగ్రస్థానానికి చేరుకున్నారు. ఈ విషయాలన్నీ ఎప్పటికప్పుడు మారిపోతుంటాయి. కాబట్టి మేం వీటిని దృష్టిలో పెట్టుకుని ఆడం. మా దృష్టంతా ఎల్లప్పుడూ ఆట కోసం తీవ్రంగా శ్రమించడంపైనే మా ఉంటుంది. అందుకు మేమెప్పుడూ సిద్ధంగా ఉంటాం." అని ప్రపంచ టెస్టు ఛాంపియనషిప్ పాయింట్ల పట్టికను ఉద్దేశిస్తూ విరాట్ అన్నాడు.
ర్యాంకింగ్స్ నిబంధనల్లో మార్పు
టెస్టుల ర్యాంకింగ్లో తొమ్మిది అగ్రశ్రేణి జట్లు, రెండేళ్లలో ఆరు సిరీస్లు ఆడాల్సి ఉంది. ప్రతి సిరీస్కు గరిష్టంగా 120 పాయింట్లను లెక్కిస్తారు. సిరీస్లోని మ్యాచ్ల సంఖ్య ఆధారంగా పాయింట్ల కేటాయింపు జరుగుతుంది. అధిక పాయింట్లు ఉన్నవారు అగ్రస్థానానికి చేరుకుంటారు. అయితే కరోనా నేపథ్యంలో పలు సిరీస్లు రద్దయ్యాయి. ఈ నేపథ్యంలో నిబంధనల్లో మార్పుల చేసింది ఐసీసీ. అధిక విజయాల శాతం ఆధారంగా జట్లకు స్థానాలను కట్టబెట్టింది. మొత్తంగా టాప్-2లో ఉన్న జట్లే.. వచ్చే ఏడాది జూన్లో లార్డ్స్ వేదికగా జరిగే ఫైనల్ ఆడనున్నాయి. గెలిచిన జట్టు ప్రపంచ ఛాంపియన్షిప్ విజేత‌గా నిలుస్తుంది.
తాజా ర్యాంకింగ్స్
ఐసీసీ మంగళవారం విడుదల చేసిన ప్రపంచ టెస్టు ఛాంపియన్షిప్ పాయింట్ల పట్టికలో 70.2 విజయశాతంతో టాపర్గా నిలిచింది ఇంగ్లాండ్. మంగళవారం టీమ్ ఇండియాపై తొలి టెస్టు గెలిచిన అనంతరం టేబుల్లో అగ్రస్థానానికి ఎగబాకింది. దీంతో ప్రపంచ టెస్టు ఛాంఫియన్షిప్ ఫైనల్లో అర్హత సాధించేందుకు ఆశల్ని సజీవం చేసుకుంది. ఇదే మ్యాచ్ ఫలితం కారణంగా రెండో స్థానంలో ఉన్న భారత్ 68.3 విజయ శాతంతో నాలుగో స్థానానికి పడిపోయింది.
ఇదీ చూడండి: టెస్టు ఛాంపియన్షిప్: ఇంగ్లాండ్ టాప్.. భారత్ డౌన్
