ఆస్ట్రేలియాతో తొలి టెస్టు తర్వాత కెప్టెన్ కోహ్లీ లేకపోయినా సరే ఆత్మవిశ్వాసంతో ముందుకెళ్లాలని దిగ్గజ క్రికెటర్ సచిన్ తెందుల్కర్.. టీమ్ఇండియాలో ధైర్యాన్ని నింపాడు. విరాట్ గైర్హాజరీతో మరో ఆటగాడికి అవకాశం లభిస్తుందని అన్నాడు.
"పితృత్వ సెలవుల వల్ల కోహ్లీ తొలి టెస్టు తర్వాత స్వదేశానికి తిరిగి రానున్నాడు. దీంతో టీమ్ఇండియా అతడిని మిస్ అవుతుంది. కీలక
ఆటగాడు దూరమైనా సరే ముందుకు సాగేలా జట్టు సంసిద్ధంగా ఉండాలి. గతంలో వెస్టిండీస్తో టెస్టు సిరీస్ ఆడేటప్పుడు అనిల్ కుంబ్లే గాయపడ్డాడు. ఆ సమయంలో అతడే కీలక బౌలర్. తను లేకుండానే మేం ఆడాం. ఇలాంటి సవాళ్లను ఎదుర్కోవడానికి సిద్ధంగా ఉండాలి. అయినా టీమ్ఇండియాకు ప్రతిభ ఉన్న బెంచ్ ఆటగాళ్లు ఉన్నారు. కాబట్టి విరాట్ గైర్హాజరీతో మరో ఆటగాడికి అవకాశం లభిస్తుంది"-సచిన్ తెందుల్కర్, భారత దిగ్గజ క్రికెటర్
రోహిత్ శర్మ ఫిట్నెస్పై తనకు ఎలాంటి సమాచారం తెలియదని సచిన్ చెప్పాడు. హిట్మ్యాన్ ఒకవేళ ఫిట్నెస్ పరీక్షల్లో పాసైతే ఆస్ట్రేలియాకు అతడిని కచ్చితంగా పంపించాలని అన్నాడు. అక్కడి పిచ్లపై బాగా రాణించగల సత్తా అతడికి ఉందని అభిప్రాయపడ్డాడు. ఇషాంత్ లేకపోవడం బౌలింగ్ విభాగానికి ఓ సవాల్ లాంటిదని మాస్టర్ చెప్పాడు. పరిమిత ఓవర్ల సిరీస్లో టి.నటరాజన్ అద్భుతంగా ఆడాడని ప్రశంసించాడు. టెస్టుల్లో టి.నటరాజన్ను ఎంపిక చేయడం అనేది సెలక్టర్ల నిర్ణయమని తెలిపాడు.
ఇదీ చూడండి : దిగ్గజ సచిన్కు ఆటో డ్రైవర్ సాయం
