టీమ్ఇండియా బ్యాట్స్మెన్ హనుమ విహారి కూడా ప్రస్తుత ఐపీఎల్లో ఉంటే బాగుండేదని ఆశాభావం వ్యక్తం చేశాడు సీఎస్కే ఆటగాడు ఛెతేశ్వర్ పుజారా. గత కొన్ని సీజన్లలో తానొక్కడినే లీగ్కు దూరమయ్యానని.. అయితే ప్రస్తుతం తనని సీఎస్కే కొనుగోలు చేసిందని తెలిపాడు. చివరి సారి ఐపీఎల్లో ఆడిన విహారి తాజా టోర్నీకి దూరమయ్యాడని.. అతడిని కూడా ఏదైనా ఫ్రాంఛైజీ తీసుకుంటే బాగుండేదని పేర్కొన్నాడు నయావాల్.
"నేను టీమ్ఇండియా కోసం పడ్డ కష్టం.. నాకు ఈ రూపంలో కలిసొచ్చింది. నన్ను వేలంలో చెన్నై కొనుగోలు చేయగానే, వేలం రూమ్లో అన్ని ఫ్రాంఛైజీలు చప్పట్లతో అభినందించాయి. భారత జట్టు సహచరులంతా సంతోషపడ్డారు. గత కొన్నేళ్లుగా నేనొక్కడినే లీగ్కు ఎంపిక కాలేకపోయాను. కానీ, ఈసారి నన్ను సీఎస్కే దక్కించుకుంది. ఈసారి ఒక్క హనుమ విహారి మాత్రమే దూరమయ్యాడు. అతడు కూడా ఉంటే బాగుండేది.
-ఛెతేశ్వర్ పుజారా, చెన్నై సూపర్ కింగ్స్ ఆటగాడు.
గత ఆసీస్ పర్యటనలో ఈ ఇద్దరు క్లాస్ ప్లేయర్లు చెప్పుకోదగ్గ ప్రదర్శన చేశారు. 2-1తో టెస్టు సిరీస్ కైవసం చేసుకోవడంలో కీలకపాత్ర పోషించారు. బోర్డర్-గావస్కర్ ట్రోఫీలో పుజారా ప్రదర్శనుకు గాను ఇది మేమిచ్చిన బహుమతి అని సీఎస్కే వేలం అనంతరం వెల్లడించింది.
ఇదీ చదవండి: ఐపీఎల్లో పునరాగమనం ఉద్వేగంగా ఉంది: పుజారా
