టీమ్ఇండియా యువ బ్యాట్స్మెన్ రిషభ్ పంత్పై ప్రశంసల వర్షం కురిపించాడు ఇంగ్లాండ్ మాజీ క్రికెటర్ ఇయాన్ బెల్. పంత్ లేని భారత జట్టును ఊహించడం కష్టమని తెలిపాడు. అతడొక నిజమైన మ్యాచ్ విన్నర్ అని పేర్కొన్నాడు. తాజాగా ఇంగ్లాండ్తో జరిగిన సిరీస్లో పంత్ ఆట తీరులో చాలా మార్పు వచ్చిందని బెల్ అభిప్రాయపడ్డాడు.
"మూడు ఫార్మాట్లలోనూ పంత్ మంచి పరిణతితో కూడిన ఆటతీరు ప్రదర్శించాడు. ఇంగ్లాండ్తో మంచి సిరీస్ ఆడాడు. నిశ్శబ్దంగా తన పని తాను చేసుకుపోయాడు" అని బెల్ కొనియాడాడు.
ఇంగ్లాండ్తో సిరీస్లో అహ్మదాబాద్ వేదికగా జరిగిన నాలుగో టెస్టులో సెంచరీతో ఆకట్టుకున్నాడు పంత్. వన్డే సిరీస్లో 77, 78 పరుగులు చేశాడు. తొలి వన్డేకు తుది జట్టులో స్థానం లభించలేదు.
ఇదీ చదవండి: ఆరు బంతుల్లో ఆరు సిక్సర్లు- పెరీరా రికార్డు
