రాయల్ ఛాలెంజర్స్ బెంగళూరు జట్టు ఐపీఎల్ ఆడేందుకు యూఏఈకి వెళ్లింది. ఆతిథ్య దేశంలో అడుగుపెట్టిన కెప్టెన్ కోహ్లీ.. 'హలో దుబాయ్' అంటూ పోస్ట్ పెట్టాడు. స్పందించిన స్పిన్నర్ చాహల్.. 'అదే హోటల్ నుంచి హలో భయ్యా' అంటూ ఫన్నీ రిప్లై ఇచ్చాడు.
- " class="align-text-top noRightClick twitterSection" data="View this post on Instagram
You’ve all been asking! So there you go. Captain Kohli is in the house! 🤩👍🏻 #PlayBold #IPL2020
">
సెప్టెంబరు 19 నుంచి నవంబరు 10 వరకు జరగనున్న ఈ సీజన్ కోసం ప్రత్యేక విమానాల్లో పలు జట్లకు చెందిన భారత్ ఆటగాళ్లు యూఏఈకి చేరుకున్నారు. తొలి ఆరు రోజుల పాటు వారికి కేటాయించిన హోటల్ గదుల్లోనే క్వారంటైన్లో ఉండనున్నారు. ఈ సమయంలో వారికి మూడుసార్లు వైద్యపరీక్షలు నిర్వహించనున్నారు. ఇందులో నెగటివ్గా తేలిన తర్వాతే శిక్షణా శిబిరంలోకి అడుగుపెడతారు. దిల్లీ క్యాపిటల్స్, సన్రైజర్స్ హైదరాబాద్ మినహా మిగతా జట్లన్నీఇప్పటికే యూఏఈ చేరుకున్నాయి. ఇవి రెండు శనివారం అక్కడికి వెళ్లనున్నాయి.
కోహ్లీ సారథ్యం వహిస్తున్న బెంగళూరు.. ఇప్పటివరకు విజేతగా నిలవడంలో విఫలమైంది. ఈసారి మాత్రం ఎలాగైనా కప్పు కొట్టాలని కసితో ఉంది. ఆటగాళ్లు కూడా అదే ఉత్సాహంతో కనిపిస్తున్నారు.
ఐపీఎల్లో 177 మ్యాచ్లాడిన కోహ్లీ.. 5,412 పరుగులతో టాప్ స్కోరర్గా కొనసాగుతున్నాడు. ఈ సీజన్లోనే అదే ఫామ్ను కొనసాగించి, జట్టును విజేతగా నిలుపుతాడని అభిమానులు భావిస్తున్నారు.
