దిగ్గజ క్రికెటర్లు సునీల్ గవాస్కర్ టోపీ, రవిశాస్త్రి కోచింగ్ కిట్లను త్వరలో వేలం వేయనున్నారు. సర్ జియోఫ్రే బాయ్కాట్ కలెక్షన్స్, టీ20 ఛారిటీ క్రికెట్ పేరిట క్రిస్టీస్ సంస్థ వీటిని అక్టోబర్ 27న వేలం వేయనునుంది.
క్రిస్టీస్ ఏం చేస్తుంది?
ప్రపంచంలోని ఉత్తమ ఆటగాళ్లకు సంబంధించిన జ్ఞాపకాలను సేకరించే క్రిస్టీస్ సంస్థ.. వాటిని వేలం వేస్తుంది. ఇప్పుడు జరగబోయే వేలంలో 1971 ఇంగ్లండ్ పర్యటనలో సునీల్ గావస్కర్ ధరించిన టోపీని ఉంచారు. దీని కోసం భారత క్రికెట్ అభిమానులు పెద్ద ఎత్తున పోటీ పడే అవకాశముందని క్రిస్టీస్ ప్రపంచ అధ్యక్షుడు ఫిల్క్నెన్ అభిప్రాయపడ్డారు.
1977 ఆగస్టులో ఆస్ట్రేలియాతో మ్యాచ్లో ఇంగ్లాండ్ ఆటగాడు బాయ్కాట్ వందో సెంచరీ చేశాడు. ఆ సందర్భంలో బాయ్కాట్ ఉపయోగించిన బ్యాట్ను కూడా వేలం వేయనుంది క్రిస్టీస్. దీని ద్వారా రూ.28.95 లక్షల నుంచి రూ.48.25లక్షలు వస్తాయని భావిస్తోంది. వీటితో పాటే అత్యంత విలువైన క్రికెట్ జ్ఞాపకాలను అభిమానుల కోసం వేలం రూపేణా తీసుకురానుంది. తద్వారా వచ్చిన మొత్తాన్ని స్వచ్ఛంద సేవల కోసం వినియోగించనుంది.
ఇదీ చూడండి:లంక ప్రీమియర్ లీగ్లో ఇర్ఫాన్.. కాంట్రాక్ట్పై సంతకం
