అహ్మదాబాద్ వేదికగా జరుగుతున్న మూడో టెస్టులో పర్యటక ఇంగ్లాండ్ జట్టు తడబాటుకు గురైంది. తొలి ఇన్నింగ్స్లో రూట్ సేన కేవలం 112 పరుగులకు ఆలౌటైంది. టీ సమయానికి 81/4తో బ్యాటింగ్ కొనసాగించిన ఇంగ్లిష్ టీమ్.. మరో 31 పరుగులు చేసి కుప్పకూలింది. స్పిన్కు సహకరిస్తున్న 'మోదీ' పిచ్పై భారత బౌలర్లు పండగ చేసుకున్నారు.
ఇంగ్లిష్ జట్టు బ్యాటింగ్ ఆర్డర్ పేకమేడను తలపించింది. ఓపెనర్ జాక్ క్రావ్లే మినహా ఏ ఒక్కరూ క్రీజులో నిలువలేకపోయారు. టీ విరామం అనంతరం అదే స్కోరు వద్ద వరుసగా రెండు వికెట్లు కోల్పోయింది ఇంగ్లాండ్. పోప్ను అశ్విన్ ఔట్ చేయగా.. బెన్ స్టోక్స్ను అక్షర్ వికెట్ల ముందు దొరకబుచ్చుకున్నాడు. తర్వాత క్రీజులోకి వచ్చిన ఆర్చర్ వికెట్ మ్యాచ్కే హైలైట్. భారత బౌలర్లలో అక్షర్ పటేల్ 6, అశ్విన్ 3 వికెట్లు తీసుకున్నారు.
ఇదీ చదవండి: అక్షర్ బౌలింగ్కు మాస్టర్ బ్లాస్టర్ ఫిదా
