మంత్రి శ్రీనివాస్​ గౌడ్​ను కలిసిన క్రికెటర్​ సిరాజ్​

భారత క్రికెట్ ఫాస్ట్ బౌలర్ మహ్మద్‌ సిరాజ్ రాష్ట్ర క్రీడా శాఖ మంత్రి శ్రీనివాస్ గౌడ్​ను హైదరాబాద్​లోని ఆయన కార్యాలయంలో మర్యాదపూర్వకంగా కలిశారు. సిరాజ్​ను మంత్రి అభినందించి సన్మానించారు.

మొన్న జరిగిన ఇండియా-ఆస్ట్రేలియా టెస్ట్ సిరీస్​లో భారత జట్టు విజయంలో కీలకపాత్ర పోషించిన ఫాస్ట్ బౌలర్ మహ్మద్‌ సిరాజ్ క్రీడా శాఖ మంత్రి శ్రీనివాస్ గౌడ్​ను కలిశారు. క్రీడాభిమానులను విశేషంగా ఆకట్టుకున్న సిరాజ్​ను శ్రీనివాస్ గౌడ్ శాలువాతో సత్కరించారు.

సిరాజ్​ భవిష్యత్​లో భారత జట్టుకు ఆణిముత్యం కావాలని ఆకాంక్షించారు. తెలంగాణ రాష్ట్రం కీర్తి ప్రతిష్టలను అంతర్జాతీయ స్థాయిలో తీసుకవచ్చేలా కృషి చేయాలని సిరాజ్​కు సూచించారు. సీఎం కేసీఆర్ రాష్ట్రంలో క్రీడాకారులను ఎంతో ప్రోత్సహిస్తున్నారని చెప్పారు.

ఇదీ చదవండి: సిరీస్‌లో తీసిన ప్రతి వికెట్‌ నాన్నకు అంకితం: సిరాజ్‌