లాక్డౌన్ ప్రకటించినప్పటి నుంచి క్రికెటర్లు సోషల్ మీడియాలో అభిమానులతో ముచ్చట్లు, ఆన్లైన్ ఇంటర్వ్యూలతో బిజీగా గడుపుతున్నారు. తాజాగా, భారత బ్యాట్స్మన్ చెతేశ్వర్ పుజారా ఓ మీడియాతో మాట్లాడుతూ.. తన ప్రపంచ ఉత్తమ టెస్టు ఎలెవన్ జట్టులో ఎవరెవరిని ఎంచుకుంటారని అడగ్గా విరాట్ కోహ్లీ, స్టీవ్ స్మిత్లతో సహా పలువురి పేర్లను వెల్లడించాడు.
డేవిడ్ వార్నర్, కేన్ విలియమ్సన్లను ఓపెనర్లుగా పేర్కొన్నాడు. ఇక కోహ్లీ, స్మిత్లకు తర్వాతి స్థానాలు కల్పించాడు. వీరితో పాటు ఆల్రౌండర్ బెన్ స్టోక్స్, వికెట్ కీపర్ వాట్లింగ్ కూడా తన జట్టులో ఉండాలని పుజారా కోరుకున్నాడు.
ఇక బౌలింగ్ విషయానికొస్తే స్పిన్నర్ రవిచంద్రన్ అశ్విన్, ముగ్గురు పేసర్లు జస్ప్రీత్ బుమ్రా, పాట్ కమిన్స్, రబాడాలను ఎన్నుకోనున్నట్లు తెలిపాడు. వీరితో పాటు మరో ఇద్దరు ఆటగాళ్లను ఎంపిక చేశాడు. ఒక వేళ మ్యాచ్ భారత్లో అయితే, రవీంద్ర జడేజా.. విదేశాల్లో ఉంటే మహ్మద్ షమీలను ఎంపిక చేస్తానని వివరించాడు.
పుజారా టెస్టు ఎలెవన్ ఇదే..
డేవిడ్ వార్నర్, కేన్ విలియమ్సన్, పుజారా, విరాట్ కోహ్లీ, స్టీవ్ స్మిత్, బెన్ స్టోక్స్, వాట్లింగ్, అశ్విన్, బుమ్రా, కమిన్స్, రబాడా, జడేజా(12), షమీ(13).
