వెస్టిండీస్ పర్యటనకు ముందు శ్రీలంక క్రికెట్ శిక్షణా శిబిరంలో కలకలం రేగింది. ఆటగాళ్లు బినురా ఫెర్నాండో, చమికా కరుణరత్నేలకు కరోనా పాజిటివ్గా తేలడం వల్ల విండీస్ టూర్కు ఎంపికైన జట్టులో ఆందోళన మొదలైంది. ఫిబ్రవరిలో ప్రారంభం కానున్న ఈ సిరీస్లో శ్రీలంక, వెస్టిండీస్ మధ్య రెండు టెస్టులు, మూడు వన్డేలు, మూడు టీ20 మ్యాచ్లు జరగనున్నాయి.
"జనవరి 20న జరిపిన ఆర్టీ పీసీఆర్ పరీక్షల్లో ఇద్దరు ఆటగాళ్లకు కరోనా సోకినట్లు తేలింది. ప్రభుత్వ ఆదేశించిన కొవిడ్ నిబంధనల ప్రకారం వారిద్దర్ని క్వారంటైన్కు తరలించాం. జనవరి 18న ఎస్ఎస్సీ గ్రౌండ్స్లో ఈ బృందం శిక్షణ ప్రారంభించింది. ఈ నెల 20న చేసిన ఆర్టీ పీసీఆర్ పరీక్షలు నిర్వహించారు. ఈ ప్రక్రియలో భాగంగా మిగిలిన ఆటగాళ్లకు జనవరి 26న మరోసారి కొవిడ్ టెస్ట్లు చేయనున్నారు".
- శ్రీలంక క్రికెట్ బోర్డు
శ్రీలంక క్రికెట్లో కొవిడ్ కేసులు బయటపడడం ఇదే తొలిసారి. పేసర్ ఫెర్నాండో 2015లో చివరిసారిగా పాకిస్థాన్తో జరిగిన టీ20లో శ్రీలంక తరఫున ప్రాతినిధ్యం వహించగా.. 2019లో ఆస్ట్రేలియాతో టెస్టు సిరీస్లో కరుణరత్నే ఆడాడు.
ఇదీ చూడండి: 'అమ్మో.. టీమ్ఇండియాతో ఆచితూచి ఆడాల్సిందే!'
