ప్రస్తుతం ప్రపంచకప్ ఆడుతోంది టీమిండియా. ఆ తర్వాత భారత్ జట్టు స్వదేశంలో ఆడే సిరీస్ వివరాలను సోమవారం ప్రకటించింది భారత క్రికెట్ నియంత్రణ మండలి (బీసీసీఐ). మొత్తంగా 5 టెస్టులు, 9 వన్డేలు, 12 టీట్వంటీలు ఆడనుంది కోహ్లీ సేన.
టెస్ట్ ఛాంపియన్షిప్లో భాగంగా దక్షిణాఫ్రికాతో 5, బంగ్లాదేశ్తో 2 టెస్టులు ఆడనుంది భారత క్రికెట్ జట్టు.
దక్షిణాఫ్రికాతో సెప్టెంబరు 15, 18, 22న మూడు టీట్వంటీ మ్యాచ్లు ఆడనుంది. అక్టోబరులో ఇదే జట్టుతో 3 టెస్టుల్లో తలపడనుంది భారత్. ఆ తర్వాత నవంబరులో బంగ్లాదేశ్తో మూడు టీట్వంటీలు, రెండు టెస్టులు ఆడనుంది టీమిండియా.
అనంతరం వెస్టిండీస్ భారత్లో పర్యటించనుంది. మూడు టీట్వంటీలు, మూడు వన్డేలు ఆడనుంది. ఆ తర్వాత జింబాబ్వేతో మూడు టీట్వంటీలు, కొన్ని రోజుల తర్వాత ఆస్ట్రేలియాతో మూడు వన్డేల్లో తలపడనుంది. మార్చిలో దక్షిణాఫ్రికాతో జరిగే మూడు వన్డేల సిరీస్తో ఈ సీజన్ పూర్తవుతుంది.
ఇది చదవండి: పాకిస్థాన్లో ఆసియా కప్.. భారత్ పాల్గొంటుందా?
