టీమ్ఇండియాతో జరుగుతున్న డే/నైట్ టెస్టులో ఆతిథ్య ఆస్ట్రేలియా చెత్త రికార్డులను మూటగట్టుకుంది. ఓ ఇన్నింగ్స్లో చాలా తక్కువ రన్రేట్తో పరుగులు చేయడం సహా గులాబీ బంతితో ఆడిన మ్యాచ్ల్లో ఆధిక్యం సంపాదించకపోవడమూ ఆసీస్కు ఇదే తొలిసారి.
మూడు దశాబ్దాల్లో ఇదే అత్యల్పం
భారత్తో తొలి ఇన్నింగ్స్లో చాలా నెమ్మదిగా బ్యాటింగ్ చేసిన ఆస్ట్రేలియా.. ఒకానొక దశలో 87/5తో నిలిచింది. అప్పుడు రన్రేట్ 1.83గా ఉంది. అంటే ఓవర్కు దాదాపు రెండు పరుగులు. గత 33 ఏళ్లలో స్వదేశంలో ఆడిన టెస్టుల్లో ఆసీస్కు ఇదే అత్యల్పం. గత 20 ఏళ్లలో మూడుసార్లు భారత్పైనే చాలా తక్కువ రన్రేట్ను కంగారూ జట్టు నమోదు చేసింది. 2013లో 1.95, 2017లో 2.04, ప్రస్తుతం 1.83 రన్రేట్తో పరుగులు చేశారు.
గులాబీ టెస్టులో తొలిసారి విఫలం
ఇప్పటివరకు ఆడిన ఏడు గులాబీ బంతి టెస్టుల్లో అదరగొట్టిన ఆసీస్.. ప్రస్తుత టెస్టు తొలి ఇన్నింగ్స్లో 191 పరుగులకు ఆలౌటై, 53 పరుగుల వెనుకంజలో నిలిచింది. పింక్ టెస్టుల్లోని ఓ ఇన్నింగ్స్లో 200 కంటే తక్కువ పరుగులకు ఆసీస్ ఆలౌట్ కావడం, ఆధిక్యం లేకుండా ఇన్నింగ్స్ను ముగించడం ఇదే తొలిసారి.
తొలి ఇన్నింగ్స్లో 244 పరుగులకు భారత్ ఆలౌట్ కాగా, ఆసీస్ 191 పరుగులు చేసింది. అనంతరం బ్యాటింగ్కు దిగిన కోహ్లీసేన.. రెండోరోజు పూర్తయ్యేసరికి 9/1తో నిలిచింది. క్రీజులో మయాంక్ అగర్వాల్, బుమ్రా ఉన్నారు.
