ఆస్ట్రేలియా ఓపెనర్ కామెరాన్ బాన్క్రాఫ్ట్ మళ్లీ జట్టులో చోటు దక్కించుకున్నాడు. గతేడాది దక్షిణాఫ్రికాలో బాల్ ట్యాంపరింగ్కు పాల్పడినందుకు స్మిత్, వార్నర్, బాన్క్రాఫ్ట్పై నిషేధం విధించిన సంగతి తెలిసిందే. ప్రపంచకప్లో చోటు దక్కించుకొని స్మిత్, వార్నర్ మళ్లీ బ్యాట్ పట్టుకోగా... ప్రస్తుతం యాషెస్ సిరీస్లో బాన్ కూడా బరిలోకి దిగనున్నాడు.
కెప్టెన్, వికెట్కీపర్ టిమ్ పైన్ నేతృత్వంలోని 17 మంది సభ్యుల జట్టును శుక్రవారం ప్రకటించింది ఆస్ట్రేలియా బోర్డు. యాషెస్ సిరీస్ ఆగస్ట్ 1న ఆరంభమవుతోంది. జులై 27న ఇంగ్లాండ్లోని ఎడ్జ్బాస్టన్కు చేరుకోనుంది ఆసీస్ జట్టు.
2001 నుంచి ఇప్పటివరకు ఇంగ్లీష్ దేశంలో ఆస్ట్రేలియా ఈ టోర్నీ కప్పు గెలవలేదు. 2017-18 సొంతగడ్డపై జరిగిన సిరీస్ను మాత్రం కంగారూ జట్టే సొంతం చేసుకుంది.
ఆస్ట్రేలియా జట్టు...
టిమ్ ఫైన్(సారథి), బాన్క్రాఫ్ట్, కమిన్స్, హారిస్, హేజిల్వుడ్, ట్రావిస్ హెడ్, ఖవాజా, లబుషేన్, లైయన్, మిచెల్ మార్ష్, మైకెల్ నెసర్, ప్యాటిన్సన్, సిడిల్, స్టీవ్ స్మిత్, స్టార్క్, మాథ్యూ వేడ్, డేవిడ్ వార్నర్.
