సిడ్నీ టెస్టులో కేవలం 25శాతం సామర్థ్యంతో టికెట్లు జారీ చేస్తున్నట్లు సోమవారం క్రికెట్ ఆస్ట్రేలియా (సీఏ) ప్రకటించింది. ప్రేక్షకులు, క్రికెటర్లు, సిబ్బంది ఆరోగ్య భద్రత దృష్ట్యా వేదిక సామర్థ్యాన్ని తగ్గించక తప్పదని సీఏ తాత్కాలిక సీఈఓ నిక్ హాక్లీ చెప్పాడు. జనవరి 7న భారత్, ఆస్ట్రేలియా మధ్య ఈ మ్యాచ్ ప్రారంభంకానున్న నేపథ్యంలో సీఏ ఈ నిర్ణయం తీసుకుంది.
మైదానంలో ప్రేక్షకులకు పూర్తి భద్రత కల్పించేందుకు సీఏ, వెన్యూస్ ఎన్ఎస్డబ్ల్యూ(రాష్ట్రంలో క్రీడా, సాంస్క్రతిక కార్యక్రమాలకు వేదికలను నిర్వహించే సంస్థ) కలిసి పనిచేస్తున్నాయి. కొవిడ్ నిబంధనల అమలుకు సీటింగ్ ఆర్డర్ మారుస్తున్నట్లు హాక్లే చెప్పాడు. అందువల్ల టికెట్లను మరోసారి జారీ చేస్తున్నట్లు వెల్లడించాడు. ఇప్పటికే టికెట్లు తీసుకున్నవారికి సోమవారం నుంచి రిఫండ్ ఇవ్వనున్నట్లు స్పష్టం చేశాడు.
ఇదీ చూడండి: భారత్-ఆస్ట్రేలియా మూడో టెస్టుకు లైన్ క్లియర్
