సెలబ్రిటీలు వృత్తిపరంగా ఎప్పుడూ బిజీ షెడ్యూల్తో ఉంటారు. వారు కుటుంబంతో కలిసి ఉన్న క్షణాలను వేళ్లపై లెక్కపెట్టొచ్చు. అయితే ఇటీవలే ఓ ఇంటర్వ్యూలో మాట్లాడిన బాలీవుడ్ బ్యూటీ అనుష్కశర్మ.. తన వివాహం జరిగిన తర్వాత తొలినాళ్లలో సంఘటనల్ని పంచుకుంది.
"మేం(అనుష్క-కోహ్లీ) పెళ్లయితే చేసుకున్నాం. కానీ మా ఇద్దరికి వృత్తిపరంగా ఒకదానికొకటి పొంతన కుదిరేది కాదు. ఆయన క్రికెట్‌ మ్యాచ్‌లు.. నేనేమో సినిమా షూటింగ్‌లతో బిజీ. మా ఇద్దరికి ఏమాత్రం ఖాళీ సమయం దొరికినా కలిసి భోజనం చేసేందుకు వెళ్లేవాళ్లం. ఇలా మేం వివాహం జరిగిన మొదటి ఆరునెలల్లో కేవలం 21 రోజులు మాత్రమే కలిసున్నాం. మిగతా సమయమంతా, క్షణం తీరిక లేకుండా గడిపాం. అయితే ఆ 21 రోజులు నాకెంతో ఇష్టమైనవి, అమూల్యమైనవి. లాక్‌డౌన్‌కు ముందు ఎంతో బిజీగా ఉండే మేం.. ఇప్పుడు మాత్రం కావాల్సినంత సమయాన్ని కలిసి ఎంజాయ్ చేస్తున్నాం"
- అనుష్కశర్మ, బాలీవుడ్ ప్రముఖ నటి
2018లో షారుక్‌ 'జీరో'లో హీరోయిన్గా నటించిన అనుష్క.. ఆ తర్వాత మరో చిత్రంలో నటించలేదు. అయితే ఈ ఏడాది వచ్చిన 'అంగ్రేజీ మీడియం'లో ప్రత్యేక గీతంలో కనిపించి అలరించింది. ఈ మధ్యనే విడుదలైన వెబ్‌ సిరీస్లు 'పాతాళ్‌ లోక్', 'బుల్‌బుల్‌'లకు నిర్మాతగా వ్యవహరించింది.
ఇది చూడండి : మూడుసార్లు తిరస్కరణ.. మనోజ్ ఆత్మహత్యాయత్నం
