ఐపీఎల్ 13వ సీజన్ నుంచి తప్పుకుంటున్నట్లు ఆస్ట్రేలియా పేసర్ కేన్ రిచర్డ్సన్ తెలిపాడు. తన భార్య నైకీ డెలివరీ త్వరలో ఉన్న కారణంగా, అలాంటి సమయంలో కుటుంబంతో పాటే ఉండాలని నిర్ణయించుకున్నట్లు వెల్లడించాడు.
"ఐపీఎల్ నుంచి తప్పుకోవడం ఎప్పుడూ కష్టమే. ప్రపంచంలోని దేశవాళీ టోర్నీలో ఇదే గొప్పది. కాబట్టి దీని నుంచి వైదొలగడం తేలికైన విషయం కాదు. అయితే దీని కంటే ముఖ్యమైనది నా జీవతంలోకి రానుంది. ఆ సమయాన్ని వదులుకునేందుకు సిద్ధంగా లేను. త్వరలోనే నా భార్య తొలిసారి ప్రసవించనుంది. మొదటి బిడ్డ భూమి మీద అడుగుపెట్టనుంది. ఇలాంటి సమయంలో ఆమెకు నా మద్దతు చాలా అవసరం. ఐపీఎల్ లాంటి టోర్నీలో ఆడే అవకాశాలు మళ్లీ వస్తాయి. కానీ, తండ్రిగా నేను పొందే అనుభూతి జీవితంలో ఒక్కసారే వస్తుంది"
- కేన్ రిచర్డ్సన్, ఆస్ట్రేలియా ఫాస్ట్ బౌలర్
గతేడాది ఐపీఎల్ వేలంలో రూ.4 కోట్లకు రిచర్డ్సన్ను బెంగళూరు జట్టు సొంతం చేసుకుంది. ఇతడు టోర్నీ నుంచి తప్పుకోవడం వల్ల లెగ్ స్పిన్నర్ ఆడమ్ జంపాను ఆ స్థాంనలో తీసుకోనున్నట్లు ఆర్సీబీ డైరెక్టర్ మైక్ హెసన్ ఓ ప్రకటనలో తెలిపారు.
