దక్షిణాఫ్రికాలో సుదీర్ఘకాలం తర్వాత ప్రారంభమైన త్రీటీ క్రికెట్ కప్ ఎంతో రసవత్తరంగా సాగింది. శనివారం నిర్వహించిన ఫైనల్లో ఏబీ డివిలియర్స్ సారథ్యం వహించిన ఈగల్స్ జట్టు అత్యుత్తమ ప్రదర్శనతో ట్రోఫీని కైవసం చేసుకుంది.
క్రికెట్ రంగంలో కరోనా బారిన పడ్డ వారికి సాయం అందించాలనే లక్ష్యంతో దక్షిణాఫ్రికా క్రికెట్ బోర్డు (సీఎస్ఏ) ఈ మ్యాచ్ను ఏర్పాటు చేసింది. ఈ మ్యాచ్లో డివిలియర్స్, మర్కరమ్ ద్వయం విజృంభించి ఈగల్స్కు స్వర్ణం సాధించి పెట్టారు. డివిలియర్స్ కేవలం 24 బంతుల్లో 61 పరుగులు చేయగా. మర్కరమ్ 33 బంతుల్లో 70 రన్స్ చేశాడు. ఫలితంగా జట్టు 160 పరుగులు సాధించింది.
మరోవైపు వెండి పతక విజేతలైన డికాక్ కైట్స్ జట్టు.. 138 పరుగులు చేసింది. రబాడా సారథ్యంలోని కింగ్ఫిషర్స్ టీమ్ (113/5) స్కోరుతో కాంస్యం దక్కించుకుంది.
మ్యాచ్ ప్రారంభానికి ముందు ఆటగాళ్లందరూ బ్లాక్ లివ్స్ మ్యాటర్ ఉద్యమానికి తమ మద్దతును తెలియజేస్తూ.. మోకాలిపై కూర్చున్నారు.
ఇదీ చూడండి:ఐపీఎల్కు సన్నాహాలు ప్రారంభించిన ఫ్రాంచైజీలు
