ఎంతో ఉత్సాహంగా జరిగిన ఐసీసీ క్రికెట్ ప్రపంచకప్ ప్రేక్షకుల్ని తనదైన శైలిలో అలరించింది. అంతర్జాతీయ క్రికెట్ మండలి(ఐసీసీ) చరిత్రలో అత్యధికులు వీక్షించిన టోర్నీగా రికార్డు సృష్టించింది. వివిధ మాధ్యమాల్లో 160 కోట్ల మంది ఈ మ్యాచ్లను చూశారు. గత ప్రపంచకప్ కంటే ఇది 38 శాతం అధికం.
"ప్రపంచకప్ జరిగే సమయంలో డిజిటల్ ఫ్లాట్ఫామ్స్లో టీమిండియా మ్యాచ్లు ఎక్కువగా ఆదరణ పొందాయి. భారత్-న్యూజిలాండ్ సెమీఫైనల్ మ్యాచ్ను అత్యధికంగా 25.3 మిలియన్ల మంది హాట్స్టార్లో వీక్షించారు. ప్రపంచవ్యాప్తంగా బ్రాడ్కాస్ట్లో 706 మిలియన్ల మంది ప్రత్యక్ష ప్రసారాలు చూశారు. భారత్-పాకిస్థాన్ మ్యాచ్ను ప్రపంచం మొత్తంగా సుమారు 273 మిలియన్ల మంది టీవీల్లో చుశారు. మరో 50 మిలియన్ల మంది డిజిటల్ మాధ్యమాల్లో వీక్షించారు." -అంతర్జాతీయ క్రికెట్ మండలి
సొంతగడ్డపై జరిగిన ఈ టోర్నీలో ఆద్యంతం ఆకట్టుకున్న ఇంగ్లాండ్.. ఉత్కంఠగా సాగిన ఫైనల్లో కివీస్ను ఓడించి తొలిసారి కప్పును ముద్దాడింది. తర్వాతి స్థానాల్లో టీమిండియా, ఆస్ట్రేలియా నిలిచాయి. 2023 ప్రపంచకప్ భారత్ వేదికగా జరగనుంది.
ఇది చదవండి: ప్రపంచకప్లో అత్యధికులు వీక్షించిన వీడియో ఇదే..!
