భారత్లో కరోనా వ్యాప్తిని అరికట్టడంలో భాగంగా సినీ ప్రముఖుల నుంచి స్టార్ ప్లేయర్ల వరకు అందరూ సాయం చేస్తున్నారు. ఇప్పుడీ జాబాతిలోకి 16 ఏళ్ల మహిళా క్రికెటర్ రిచా ఘోష్ చేరింది. తన వంతుగా రూ.లక్ష విరాళాన్ని అందించింది. పశ్చిమ్బంగా ముఖ్యమంత్రి సహాయనిధికి తన తండ్రి ద్వారా చెక్కును పంపింది. ఈ విషయాన్ని బంగాల్ క్రికెట్ సంఘం(క్యాబ్) వెల్లడించింది.
రిచా ఘోష్.. ఇటీవలే జరిగిన మహిళా టీ20 ప్రపంచకప్ ఫైనల్ సహా, రెండు మ్యాచ్ల్లో భారత్ తరఫున ఆడింది. ఈ టోర్నీ కంటే ముందు జరిగిన ఆస్ట్రేలియా సిరీస్తో అరంగేట్రం చేసింది.
క్యాబ్ తరఫున దాతృత్వాన్ని చాటుకున్న మరికొన్ని సంఘాలు..
- బంగాల్ క్రికెట్ సంఘంలో ఉన్న 66 మంది మ్యాచ్ పరిశీలకులు రూ.1.5 లక్షల విరాళాన్ని పోగుచేశారు. ఇందులో 82 మంది స్కోరర్లు.. ఒక రోజు వేతనాన్ని రూ. 77,420 సమకూర్చారని క్యాబ్ చెప్పింది.
- క్యాబ్-స్పోర్టింగ్ క్లబ్ ప్రతినిధి దీపక్ సింగ్.. సీఎం రిలీఫ్ ఫండ్కు రూ. 2 లక్షలు విరాళమిచ్చారు.
- మాజీ మహిళా క్రికెటర్(టెస్ట్ ప్లేయర్) మిథూ ముఖర్జీ.. రూ. 25,000లు విరాళం ప్రకటించారు.
- అండర్-23 బంగాల్ కోచ్ జయంతా ఘోష్ దస్తీదర్.. రూ. 10,000 సాయమందించారు.
- క్యాబ్ అనుబంధ విభాగాలైన.. వైట్ బార్డర్ క్లబ్, విజయ్ స్పోర్ట్స్ క్లబ్లు.. రూ.50,000 చొప్పున సీఎం రిలీఫ్ ఫండ్కు విరాళమిచ్చాయి.
- ఉత్తర్ పల్లి మిలాన్ సంఘం, సబర్బన్ క్లబ్, రేంజర్ క్లబ్లు.. రూ. 25,000 చొప్పున సాయమందించాయి.
- కూచ్బేహర్ జిల్లా స్పోర్ట్స్ అసోసియేషన్ సభ్యులు.. రూ. 10,000 ఆర్థిక సాయాన్ని సీఎం రిలీఫ్ఫండ్కు అందజేస్తున్నట్లు చెప్పారు.
ఇదీ చదవండి: ముందు దేశం.. ఆ తర్వాతే క్రికెట్: హర్భజన్
