రానున్న ఎనిమిదేళ్ల క్రికెట్ కాలానికి సంబంధించి మూడు ఐసీసీ టోర్నీల నిర్వహణకు బీసీసీఐ ఆసక్తి చూపుతోంది. 2024 నుంచి ప్రారంభమయ్యే క్రికెట్ చక్రంలో మూడు అతిపెద్ద టోర్నీల నిర్వహణకు బిడ్లు దాఖలు చేయాలని నిర్ణయించింది. ఆదివారం వర్చువల్గా జరిగిన అత్యవసర అపెక్స్ కౌన్సిల్లో ఈ నిర్ణయం తీసుకుంది.
ఇందులో 2025 ఛాంపియన్స్ ట్రోఫీతో పాటు 2028 టీ20 ప్రపంచకప్, 2031 వన్డే వరల్డ్కప్ ఉంది. ఇంగ్లాండ్ వేదికగా 2017లో నిర్వహించబోయే ఛాంపియన్స్ ట్రోఫీ తర్వాత టోర్నీ వేదికను ఐసీసీ వెల్లడించలేదు. అందుకు సంబంధించి బిడ్లు దాఖలైన తర్వాతనే ఆతిథ్య దేశాన్ని ప్రకటించనున్నట్లు తెలిపింది.
"అవును, 2025 ఛాంపియన్స్ ట్రోఫీతో పాటు 2028 టీ20 ప్రపంచకప్, 2031 వన్డే వరల్డ్కప్ కోసం బిడ్లు దాఖలు చేయాలని బీసీసీఐ నిర్ణయించింది. ఇందుకు అపెక్స్ కౌన్సిల్ సమావేశంలో ఏకపక్ష నిర్ణయం తీసుకుంది. ఇందులో ఛాంపియన్స్ ట్రోఫీ చిన్న టోర్నీ అయినప్పటికీ.. చాలా ప్రజాదరణ పొందింది. భారత్ వేదికగా 2023లో జరగనున్న ప్రపంచకప్ తర్వాత ఇది జరగనుంది. ప్రతి రెండేళ్లకో సారి ఐసీసీ ఈవెంట్ను నిర్వహించేలా బీసీసీఐ ఉండాలి. అందుకే ఈ మూడు అతి పెద్ద టోర్నీలకు బిడ్లు దాఖలు చేయాలనుకున్నాం" అని బీసీసీఐ సీనియర్ అధికారి వెల్లడించారు.
రానున్న క్రికెట్ చక్రంలో 50 ఓవర్ల ప్రపంచకప్లో 14 జట్లను ఆడించాలని ఐసీసీ నిర్ణయించింది. అదే టీ20 వరల్డ్కప్లో ఈ సంఖ్య 20కి పెంచాలని స్పష్టం చేసింది.
ఇదీ చదవండి: బౌలింగ్ మాంత్రికుడికే స్పిన్ పాఠాలు.. చివరకు..
