ఆస్ట్రేలియా ఆల్​రౌండ్​ షో - ఇంగ్లాండ్​పై గ్రాండ్ విక్టరీ, సెమీస్ రేస్ నుంచి డిఫెండింగ్ ఛాంప్ ఔట్!

Aus Vs Eng World Cup 2023 : 2023 ప్రపంచకప్​లో ఆస్ట్రేలియా విజయాల పరంపర కొనసాగుతోంది. తాజాగా ఇంగ్లాండ్​పై 33 పరుగుల తేడాతో నెగ్గింది. ఈ ఓటమితో ఇంగ్లాండ్ సెమీస్ రేస్ నుంచి అధికారికంగా తప్పుకుంది.

Aus Vs Eng World Cup 2023 : 2023 వరల్డ్​కప్​లో ఆస్ట్రేలియా వరుసగా ఐదో విజయాన్ని నమోదు చేసింది. శనివారం అహ్మదాబాద్ నరేంద్రమోదీ వేదికగా ఇంగ్లాండ్​తో జరిగిన మ్యాచ్​లో 33 పరుగుల తేడాతో నెగ్గింది. ఆసీస్ నిర్దేశించిన 287 పరుగుల టార్గెన్​ను ఛేదించలేక ఇంగ్లాండ్.. 48.1 ఓవర్లలో 253 పరుగులకు ఆలౌటైంది. ఇంగ్లాండ్ బ్యాటర్లలో డేవిడ్ మలన్ (50), బెన్ స్టోక్స్​ (64), మొయిన్ అలీ (42), చివర్లో క్రిస్​వోక్స్ (32) రాణించారు. ఈ విజయంతో ఆసీస్ సెమీస్ అవకాశాల్ని మరింత మెరుగుపర్చుకోగా.. డిఫెండింగ్ ఛాంపియన్​ ఇంగ్లాండ్ అధికారికంగా సెమీస్ రేస్ నుంచి తప్పుకుంది. ఆసీస్ బౌలర్లలో ఆడమ్ జంపా 3, మిచెల్ స్టార్క్ 2, ప్యాట్ కమిన్స్ 2, హజెల్​వుడ్ 2, స్టోయినిస్ 1 వికెట్ దక్కించుకున్నారు. స్పిన్నర్ ఆడమ్ జంపాకు 'మ్యాన్ ఆఫ్ ది మ్యాచ్' అవార్డు దక్కింది.

• Adam Zampa shined in all three departments to take home the @aramco #POTM 👊#CWC23 | #ENGvAUS pic.twitter.com/DkxrL3I1aP

  — ICC (@ICC) November 4, 2023 " class="align-text-top noRightClick twitterSection" data="

  Adam Zampa shined in all three departments to take home the @aramco #POTM 👊#CWC23 | #ENGvAUS pic.twitter.com/DkxrL3I1aP

  — ICC (@ICC) November 4, 2023

  ">

  Adam Zampa shined in all three departments to take home the @aramco #POTM 👊#CWC23 | #ENGvAUS pic.twitter.com/DkxrL3I1aP

  — ICC (@ICC) November 4, 2023

287 పరుగుల ఛేదనలో ఇంగ్లాండ్ ఆరంభంలోనే వికెట్లు కోల్పోయింది. కానీ, మలన్, స్టోక్స్ పోరాటం వల్ల ఇంగ్లాండ్ శిబిరంలో ఆశుల చిగురించాయి. 35 ఓవర్లకు ఇంగ్లాండ్ 169-4తో పటిష్ఠ స్థితిలో కనిపించింది. అప్పటికి ఇంగ్లాండ్ విజయానికి 90 బంతుల్లో 118 పరుగులు కావాలి. ఈ దశలో ఇంగ్లాండ్ గెలుస్తుందనిపించింది. కానీ, ఆసీస్ స్పిన్నర్ జంపా.. ప్రత్యర్థిని గట్టి దెబ్బ కొట్టాడు. అయినా చివర్లో వోక్స్​, ఆదిల్ రషీద్ (20), డేవిడ్ విల్లే (14) కాసేపు పోరాడినా ఫలితం దక్కలేదు.

అంతకుముందు టాస్ఓడి బ్యాటింగ్​కు దిగిన ఆస్ట్రేలియా 49.3 ఓవర్లలో 286 పరుగులు చేసింది. ఓపెనర్లిద్దరూ విఫలమైనా.. స్టార్ బ్యాటర్ స్టీవ్ స్మిత్ (44; 52 బంతుల్లో 3 ఫోర్లు), మార్నస్ లబుషేన్ (71; 83 బంతుల్లో 7 ఫోర్లు), కామెరూన్ గ్రీన్ (47; 52 బంతుల్లో 5 ఫోర్లు), స్టోయినిస్ (35; 32 బంతుల్లో 3 ఫోర్లు, 2 సిక్స్‌లు) రాణించారు. ఇంగ్లాండ్ బౌలర్లలో క్రిస్‌వోక్స్‌ 4, మార్క్‌ వుడ్ 2, ఆదిల్ రషీద్‌ 2, డేవిడ్ విల్లీ, లివింగ్‌స్టోన్ ఒక్కో వికెట్ పడగొట్టారు.

• " class="align-text-top noRightClick twitterSection" data="">