కొరియా ఓపెన్లో భారత షట్లర్ పారుపల్లి కశ్యప్ తన ఆటతీరుతో ఆకట్టుకున్నాడు. శుక్రవారం జరిగిన క్వార్టర్ ఫైనల్లో డెన్మార్క్ ఆటగాడు జోర్గెన్సన్పై 24-22, 21-8 తేడాతో ఘనవిజయం సాధించి సెమీఫైనల్లో అడుగుపెట్టాడు. కశ్యప్ జోరుకు జోర్గెన్సన్ దగ్గర సమాధానమే లేకపోయింది. ఈ మ్యాచ్ 37 నిమిషాల్లో ముగిసింది.
తొలి సెట్లో ప్రత్యర్థి బలమైన పోటీ ఇచ్చినా.. రెండో సెట్లో కశ్యప్ జోరు కొనసాగించాడు. జోర్గెన్సన్కు ఏమాత్రం అవకాశం ఇవ్వకుండా అలవోకగా మ్యాచ్ సొంతం చేసుకున్నాడు.
సెమీస్లో ప్రపంచ నంబర్వన్, రెండుసార్లు ప్రపంచ ఛాంపియన్ అయినా జపాన్ ఆటగాడు కెంటో మొమొటతో తలపడనున్నాడు కశ్యప్.
ఇవీ చూడండి.. ఆరంభంలోనే హడలెత్తించిన మలింగ వారసుడు..!
