బొమ్మరిల్లు, పంజా, మిస్టర్ ఫర్ఫెక్ట్ చిత్రాలతో మంచి రచయితగా గుర్తింపు తెచ్చుకున్న అబ్బూరి రవి నటుడిగా మారారు. "ఆపరేషన్ గోల్డ్ ఫిష్" పేరుతో తెరకెక్కుతున్న సినిమాలో 'ఘాజీ బాబా'గా కనిపించనున్నాడు. ఇతని పాత్రకు సంబంధించిన లుక్ను ప్రముఖ దర్శకుడు త్రివిక్రమ్ ఆవిష్కరించాడు. ఇతర పాత్రల్లో ఆది సాయికుమార్, షాషా ఛెత్రి, నిత్యా నరేశ్, పార్వతీశం నటిస్తున్నారు.
'టెర్రరిస్టు' లుక్లో తెలుగు ప్రేక్షకుల్ని అబ్బూరి రవి ఆశ్చర్యపరుస్తాడా లేదా తెలియాలంటే కొన్ని రోజులు ఆగాల్సిందే. 'వినాయకుడు' చిత్రానికి దర్శకత్వం వహించిన సాయికిరణ్ అడివి ఈ సినిమాకు దర్శకత్వం వహిస్తూ నిర్మాణంలో పాలుపంచుకున్నారు.
