Mahaan teaser: తమిళ హీరో విక్రమ్ నటించిన కొత్త సినిమా 'మహాన్'. యాక్షన్ డ్రామాగా తెరకెక్కిన ఈ చిత్ర టీజర్ను సోమవారం రిలీజ్ చేశారు. ఇందులో విక్రమ్తో పాటు ఆయన కుమారుడు ధ్రువ్ ప్రధాన పాత్రలో నటించాడు. కార్తిక్ సుబ్బరాజ్ దర్శకత్వం వహించిన ఈ సినిమా ఫిబ్రవరి 10న అమెజాన్ ప్రైమ్లో నేరుగా రిలీజ్ కానుంది.
- " class="align-text-top noRightClick twitterSection" data="">
ఇందులో విక్రమ్.. గాంధీ మహాన్ అనే పాత్రలో కనిపించారు. మద్యం సిండికేట్ నేపథ్య కథతో ఈ సినిమా తీసినట్లు టీజర్ చూస్తుంటే తెలుస్తోంది. ఇందులో బాబీ సింహా, సిమ్రన్ తదితరులు కీలకపాత్రలు పోషించారు. తెలుగు, తమిళ, కన్నడ, మలయాళ భాషల్లో ఈ సినిమా రిలీజ్ కానుంది.
ఆది సాయికుమార్ హీరోగా నటిస్తున్న కొత్త సినిమా 'సీఎస్ఐ సనాతన్'. దీని ఫస్ట్లుక్ మోషన్ పోస్టర్ను సోమవారం రిలీజ్ చేశారు. క్రైమ్ ఇన్వెస్టిగేషన్ కథతో ఈ సినిమాను తెరకెక్కించారు. ఇందులో మిష నారంగ్, నందిని రాయ్ హీరోయిన్లుగా నటించారు. శివ శంకర్ దేవ్ దర్శకత్వం వహించారు.
- " class="align-text-top noRightClick twitterSection" data="">
విశ్వక్సేన్ నటించిన విలేజ్ డ్రామా 'అశోకవనంలో అర్జున కల్యాణం'. ఇప్పటికే రిలీజైన పాటలు అలరిస్తుండగా, ఫిబ్రవరి 2న టీజర్ విడుదల చేయనున్నట్లు ప్రకటించారు. ఇందులో రుక్సార్ థిల్లన్ హీరోయిన్గా నటించింది. రవికిరణ్ కోల కథ అందించగా, విద్యాసాగర్ చింత దర్శకత్వం వహించారు.
Sehari movie release date: రొమాంటిక్ ఎంటర్టైనర్ 'సెహరి' రిలీజ్ డేట్ ఖరారైంది. ఫిబ్రవరి 11న థియేటర్లలోకి తీసుకొస్తున్నట్లు ప్రకటించారు. ఇందులో సిమ్రన్ చౌదరి హీరోయిన్గా నటించింది. జ్ఞానశేఖర్ ద్వారక దర్శకత్వం వహించారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి:
