'బిగిల్'తో ఈ ఏడాది అదిరిపోయే విజయాన్ని అందుకున్నాడు కోలీవుడ్ స్టార్ హీరో విజయ్. అదే ఉత్సాహంతో కొత్త చిత్రాన్ని పట్టాలెక్కించాడు. 'ఖైదీ'తో ఆకట్టుకున్న లోకేశ్ కనకరాజ్ ఈ చిత్రానికి దర్శకత్వం వహిస్తున్నాడు. న్యూయర్ కానుకగా ఫస్ట్లుక్ను అభిమానులతో పంచుకున్నారు. 'మాస్టర్' అనే టైటిల్తో పాటు వినూత్నంగా ఉన్న విజయ్ లుక్ అలరిస్తోంది.
పోస్టర్‌లో విజయ్.. తలపై చేయి పెట్టి, ఎదురుగా ఎవరో వ్యక్తిని తీక్షణంగా చూస్తున్నట్లుగా పవర్‌ఫుల్‌గా దర్శనమిచ్చాడు. తెలుగులోనూ ఇదే టైటిల్తో సినిమాను విడుదల చేసే అవకాశం ఉంది. ఎలాగూ దర్శకుడికి ఈ టైటిల్ ఓ సెంటిమెంట్‌లా మారొచ్చు. ఎందుకంటే అతడి గత చిత్రం 'ఖైదీ' మెగాస్టార్‌ టైటిల్తో వచ్చిందే. ఇప్పుడు 'మాస్టర్'తో మరోసారి అదే సెంటిమెంట్‌ను కొనసాగించబోతున్నట్లు తెలుస్తోంది.
ఇందులో విజయ్ సేతుపతి కీలక పాత్రలో కనిపించబోతున్నాడు. మాళవిక మోహనన్, ఆండ్రియా తదితరలు నటిస్తున్నారు. అనిరుధ్‌ రవిచందర్ స్వరాలు సమకూర్చుతున్నాడు. వేసవి కానుకగా ఏప్రిల్లో ప్రేక్షకుల ముందుకు రానుందీ చిత్రం.
