'పెళ్లి చూపులు' సినిమాతో అరంగేట్రం చేసి 'అర్జున్ రెడ్డి' చిత్రంలో తన నటనతో మంచి గుర్తింపు తెచ్చుకున్న హీరో విజయ్ దేవరకొండ. 'దొరసాని' సినిమాతో తెలుగు ప్రేక్షకులకు పరిచయమయ్యాడు ఆనంద్ దేవరకొండ. ఇప్పుడు ఈ సోదరులిద్దరూ అభిమానులకు ఓ సర్‌ప్రైజ్‌ ఇవ్వబోతున్నారని సినీ వర్గాల సమాచారం.
విజయ్, ఆనంద్ కలిసి ఒకే చిత్రంలో నటించబోతున్నారట. అయితే అది ఒకరి సినిమాలో మరొకరు ప్రత్యేక పాత్రలో కనిపిస్తారా? లేదా పూర్తిస్థాయి పాత్రల్లో దర్శనమిస్తారా? అనేది స్పష్టత రావాల్సి ఉంది.
ప్రస్తుతం విజయ్ 'వరల్డ్ ఫేమస్ లవర్' సినిమాతో బిజీగా ఉన్నాడు. ఆనంద్ తన రెండో చిత్ర షూటింగ్‌లో పాల్గొంటున్నాడు. ఈ నేపథ్యంలో ఈ ప్రాజెక్టు ఎప్పుడు మొదలవుతుందో అని అభిమానులు ఆసక్తిగా ఎదురుచూస్తున్నారు.
ఇదీ చదవండి: విరుష్క పెళ్లికి రెండేళ్లు.. ఇన్ స్టాలో ప్రేమ లేఖలు
