బాలీవుడ్ తారలు నివసిస్తున్న గృహ సముదాయాన్ని తాత్కాలికంగా మూసివేశారు. అందులో నివసిస్తున్న 11 ఏళ్ల బాలికకు కరోనా సోకడం వల్ల ఈ నిర్ణయం తీసుకున్నట్లు ముంబయి మున్సిపల్ కార్పొరేషన్ తెలిపింది. ఈ సముదాయాల్లో విక్కీ కౌశల్, రాజ్కుమార్ రావు, పత్రలేఖ, చిత్రాంగద సింగ్లు ఉంటున్నారు.
ఈ పరిణామంతో అందులో నివసించే ప్రతి ఒక్కరూ విధిగా నిర్బంధాన్ని పాటిస్తూ తగిన జాగ్రత్తలు తీసుకోవాలని సూచించారు. కొన్ని రోజులుగా ఈ ప్రాంతాల్లో కరోనా పాజిటివ్ కేసులు నమోదవ్వడం వల్ల నటుడు అంకిత్ లోఖండేతో సహా చలనచిత్ర, టెలివిజన్ నటుల భవన సముదాయాలను ఇప్పటికే మూసివేసినట్లు కొన్ని నివేదికలు పేర్కొన్నాయి.
కరోనా నుంచి కోలుకున్న బాలీవుడ్ ప్రముఖులు
ఇప్పటివరకు కరోనా బారిన పడిన బాలీవుడ్ ప్రముఖుల్లో నిర్మాత కరీం మొరానీ, అతని కుమార్తెలు జోవా, షాజా మొరానీ, గాయని కనికా కపూర్ ఉన్నారు. వీరంతా కొవిడ్-19 బారి నుంచి కోలుకుని ఆస్పత్రి నుంచి డిశ్చార్జయ్యారు.
ఇదీ చూడండి..'పవన్ రోజూ 600 కి.మీ ట్రావెల్ చేసేవారు'
