వరుణ్తేజ్ 'గని' సినిమా కొత్త రిలీజ్ డేట్ను ప్రకటించింది చిత్రబృందం. 2022 మార్చి 18న ఈ చిత్రాన్ని థియేటర్లలో విడుదల చేయనున్నట్లు తెలిపింది. డిసెంబర్ 24నే ఈ సినిమా విడుదల కావాల్సి ఉన్నా.. అనివార్య కారణాల వల్ల వాయిదా వేశారు. బాక్సింగ్ నేపథ్యంలో తెరకెక్కుతోన్న ఈ చిత్రంలో సయీ మంజ్రేకర్ హీరోయిన్. కిరణ్ కొర్రపాటి దర్శకుడు. సిద్ధు, అల్లు బాబీ సంయుక్తంగా నిర్మిస్తున్నారు.
సేతుపతితో కత్రినా..
బాలీవుడ్ బ్యూటీ కత్రినా కైఫ్, తమిళ స్టార్ హీరో విజయ్ సేతుపతి కాంబినేషన్లో సినిమా ఖరారైంది. 'అంధాధున్', 'బద్లాపుర్' వంటి బ్లాక్బస్టర్ చిత్రాలను తెరకెక్కించిన శ్రీరామ్ రాఘవన్ దర్శకత్వంలో ఈ చిత్రం రూపొందనుంది. దీనికి 'మెర్రీ క్రిస్మస్' అనే టైటిల్ ఫిక్స్ చేశారు.
'మెర్రీ క్రిస్మస్' చిత్రబృందం రవితేజ క్రిస్మస్ విషెస్..
క్రిస్మస్ సందర్భంగా మాస్ మహారాజా రవితేజ నటిస్తోన్న కొత్త సినిమాల పోస్టర్లు విడుదలయ్యాయి. ఆయన హీరోగా రమేష్‌ వర్మ తెరకెక్కిస్తున్న యాక్షన్ థ్రిల్లర్‌ 'ఖిలాడి'. కోనేరు సత్యనారాయణ నిర్మిస్తున్నారు. మీనాక్షి చౌదరి, డింపుల్‌ హయాతి కథానాయికలు. ఈ సినిమాలోని మూడో పాటను డిసెంబర్ 31న విడుదల చేయనున్నట్లు ప్రకటించారు. సినిమా వచ్చే ఏడాది ఫిబ్రవరి 11న ప్రేక్షకుల ముందుకు రానుంది.
ఇక రవితేజ నటిస్తున్న 'రామారావు ఆన్ డ్యూటీ' నుంచి మరో పోస్టర్ రిలీజ్ అయ్యింది. యాక్షన్ ఎంటర్టైనర్గా రూపొందుతున్న ఈ చిత్రానికి శరత్ మాండవ దర్శకత్వం వహిస్తుండగా.. దివ్యాంశ కౌషిక్ హీరోయిన్గా నటిస్తోంది. 2022 మార్చి 25న సినిమా రిలీజ్ కానుంది.
ఇదీ చూడండి: ధనుష్ మరో కొత్త చిత్రం.. 'ఫైటర్'లో అనిల్ కపూర్
