మూడేళ్ల విరామం తర్వాత పవర్ స్టార్ పవన్ కల్యాణ్ నటించిన చిత్రం 'వకీల్ సాబ్'. బాలీవుడ్లో విజయవంతమైన 'పింక్' చిత్రానికి రిమేక్గా వేణుశ్రీరామ్ దర్శకత్వంలో ఈ చిత్రం ఏప్రిల్ 9న ప్రేక్షకుల ముందుకు రాబోతుంది. ఈ సందర్భంగా 'వకీల్ సాబ్' ప్రచార చిత్రాన్ని భారీ స్థాయిలో విడుదల చేసేందుకు నిర్మాత దిల్ రాజు ఏర్పాట్లు చేశారు.
తెలుగు రాష్ట్రాల్లోని ఆంధ్రా, సీడెడ్, నైజాం సెంటర్లలోని సుమారు 85 థియేటర్లలో ఈరోజు సాయంత్రం 6 గంటలకు ప్రచార చిత్రాన్ని లాంఛనంగా విడుదల చేస్తున్నారు. అయితే వకీల్ సాబ్ ప్రచార చిత్రాన్ని వీక్షించేందుకు వచ్చే ప్రేక్షకులు, పవన్ కల్యాణ్ అభిమానులంతా తప్పనిసరిగా మాస్క్ ధరించి థియేటర్కు రావాలని పలువురు థియేటర్ యజమానులు విజ్ఞప్తి చేస్తున్నారు. కరోనా వైరస్ మళ్లీ విజృంభిస్తున్న నేపథ్యంలో ప్రేక్షకులంతా తగిన జాగ్రత్తలు పాటిస్తూ వకీల్ సాబ్ ప్రచార చిత్రాన్ని వీక్షించాలని కోరుతున్నారు.
ఇదీ చూడండి: 'వకీల్సాబ్' ట్రైలర్ అప్డేట్.. రికార్డుల మోతే ఇక?
