ఉపేంద్ర.. అనే కన్నా ఫ్యాక్షన్ లీడర్ దేవరాజు నాయుడు అంటేనే తెలుగు ప్రేక్షకులు తొందరగా గుర్తుపడతారు. 'సన్నాఫ్ సత్యమూర్తి'లో ఉపేంద్ర ఫ్యాక్షన్ లీడర్గా ఎంతగానో అలరించాడు. 'ఉపేంద్ర', 'రా..' 'ఏ', 'ఓంకారం', 'కన్యాదానం' లాంటి చిత్రాల్లో ఉపేంద్ర తన నటనతో ఆకట్టుకున్నాడు. తాజాగా మరో విభిన్న సినిమాతో ప్రేక్షకుల ముందుకు రానున్నాడు.
ప్రముఖ కన్నడ డైరెక్టర్ ఆర్. చంద్రు దర్శకత్వంలో 'కబ్జా' అనే చిత్రంలో కథానాయకుడిగా నటించనున్నాడు. వచ్చే ఏడాది జనవరి 2 నుంచి రామోజీ ఫిల్మ్ సిటీలో కొన్ని పోరాట సన్నివేశాలు చిత్రీకరించనున్నారు. అనంతరం బెంగళూరు పరిసర ప్రాంతాల్లో సినిమా తెరకెక్కిస్తారు.
ఆర్. చంద్రు గతంలో 'కృష్ణమ్మ కలిపింది ఇద్దరినీ' అనే తెలుగు చిత్రాన్ని తెరకెక్కించాడు. ఈ సినిమాలో సుధీర్బాబు, నందితా రాజ్ హీరో-హీరోయిన్లుగా నటించారు.
ఇదీ చదవండి:- మహాభారతంలో కృష్ణుడు-ద్రౌపదిగా నటించేది వీళ్లేనా?
