నాగశౌర్య 'లక్ష్య' సినిమా డిసెంబరు 10న థియేటర్లలోకి రానుంది. ఈ క్రమంలోనే ఆదివారం ప్రీ రిలీజ్ ఈవెంట్ నిర్వహించనున్నారు. ఈ ఈవెంట్లో బ్యాడ్మింటన్ కోచ్ పుల్లెల గోపీచంద్, హీరో శర్వానంద్, దర్శకుడు శేఖర్ కమ్ముల పాల్గొనున్నారు.
ఆర్చరీ నేపథ్యంగా తీసిన ఈ సినిమాలో శౌర్య సరసన కేతిక శర్మ హీరోయిన్గా నటించింది. జగపతిబాబు కీలకపాత్ర పోషించారు. సంతోష్ జాగర్లపూడి దర్శకత్వం వహించారు. కాలభైరవ సంగీతమందించారు.
మరో తెలుగు సినిమా నేరుగా ఓటీటీలో విడుదల చేయనున్నారు. అదిత్, శివాని హీరోహీరోయిన్లుగా నటించిన 'డబ్ల్యూడబ్ల్యూడబ్ల్యూ' చిత్రాన్ని త్వరలో ఓటీటీలో రిలీజ్ రిలీజ్ చేస్తామని చిత్రబృందం చెప్పింది. డిసెంబరు 24 నుంచి సోనీలివ్లో ఈ సినిమా స్ట్రీమింగ్ కానుందని సమాచారం.
తెలుగులోనే తొలి కంప్యూటర్ స్క్రీన్ బేస్డ్ మూవీగా దీనిని తెరకెక్కించారు. కేవీ గుహన్ దర్శకత్వం వహించారు. సిమాన్ కే కింగ్ సంగీతమందించారు.
'బంగార్రాజు' సినిమాలోని 'నా కోసం' పూర్తి సాంగ్ను ఆదివారం విడుదల చేయనున్నట్లు తెలిపారు. ఈ పాటలో నాగచైతన్య, కృతిశెట్టి కనిపించనున్నారు.
'సోగ్గాడే చిన్ని నాయనా' సినిమాకు ఇది ప్రీక్వెల్గా ఈ సినిమాను తెరకెక్కించారు. ఒరిజినల్లో నటించిన నాగార్జున, రమ్యకృష్ణ ఇందులోనూ అవే పాత్రల్లో కనిపించనున్నారు. కల్యాణ్ కృష్ణ కురసాల దర్శకత్వం వహించారు. నాగార్జున.. అన్నపూర్ణ స్టూడియోస్ బ్యానర్పై నిర్మించారు. ఈ సినిమా సంక్రాంతి రేసులో ఉన్నట్లు సమాచారం. త్వరలో విడుదల తేదీ వెల్లడించే అవకాశం కనిపిస్తోంది.
ఇదీ చదవండి:
