హీరోయిన్ అంటే పూర్తిగా మేకప్.. మోడ్రన్ దుస్తులు.. పాటల్లో మాత్రమే డ్యాన్సులు.. అనే పద్ధతికి నేటి తరంలోని కొందరు భామలు కుదరదని చెప్పేస్తున్నారు! హీరోలకు తామేం తక్కువ కాదు, ఎలాంటి పాత్రనైనా సరే చేస్తామని ముందుకొస్తున్నారు. ఈ క్రమంలోనే డీ గ్లామర్ రోల్స్కు కూడా సై అంటున్నారు. ఇటీవలే వచ్చిన సదరు ఫస్ట్లుక్స్ ఆ విషయాన్ని పక్కగా చెబుతున్నాయి. సినిమాలపై అంచనాల్ని పెంచుతున్నాయి.
కీర్తి సురేశ్- సాని కాయిదం
లాక్డౌన్ వేళ హీరోయిన్ కీర్తి సురేశ్ నటించిన 'పెంగ్విన్', 'మిస్ ఇండియా' సినిమాలు ఓటీటీల్లో విడుదలయ్యాయి. ఇప్పుడు కొత్త చిత్రం 'సాని కాయిదం' ఫస్ట్లుక్తో ప్రేక్షకుల ఒక్కసారిగా షాకయ్యారు. ఈ పోస్టర్లో హత్య చేసిన నేరస్థురాలిగా కీర్తి కనిపించింది. ప్రముఖ దర్శకుడు సెల్వరాఘవన్ కీలక పాత్ర పోషిస్తున్నారు.
పాయల్ రాజ్పుత్ - అనగనగా ఓ అతిథి
ఇప్పటివరకు హీరోయిన్గా, ప్రత్యేక గీతాల్లో నర్తించిన పాయల్.. 'ఆహా' వెబ్ చిత్రం 'అనగనగా ఓ అతిథి'లో పల్లెటూరి మహిళగా కనిపించనుంది. ఇటీవలే వచ్చిన టీజర్, అందులోని పాయల్ నటన ఆకట్టుకుంటోంది.
సాయిపల్లవి - విరాటపర్వం
ముద్దుగుమ్మ సాయిపల్లవి నటిస్తున్న చిత్రం 'విరాటపర్వం'. ఇందులో అడవుల్లో తిరిగే జర్నలిస్ట్గా ఈమె కనిపించనుందని అంటున్నారు. స్మారకవీరుల చిహ్నం దగ్గర పెన్ పట్టుకుని తదేకంగా ఆలోచిస్తూ ఉన్న సాయిపల్లవి ఫస్ట్లుక్ ఆసక్తి రేపుతోంది. ఈ చిత్రంలో రానా, ప్రియమణి, నందితా దాస్ తదితరులు నక్సలైట్ పాత్రల్లో కనిపించనున్నారు.
హెబ్బా పటేల్ - ఓదెల రైల్వేస్టేషన్
బ్యూటీ హెబ్బా పటేల్ కొత్త సినిమా 'ఓదెల రైల్వేస్టేషన్'. ఇందులో రాధ పాత్రలో ఈమె కనిపించనుంది. ఇప్పటికే షూటింగ్ శరవేగంగా సాగుతోంది. సంపత్ నంది కథ అందించగా, అశోక్ తేజ దర్శకత్వం వహిస్తున్నారు.
ఇది చదవండి:
