బాలీవుడ్లో ఖాన్ త్రయానికి అభిమానుల్లో ఎంత క్రేజ్ ఉందో ప్రత్యేకంగా చెప్పనక్కర్లేదు. వీరి సినిమాలు కోసం ఎంతో ఆసక్తిగా ఎదురుచూస్తుంటారు. వీరికి సంబంధించి ఏదైన సినిమా విడుదలైందంటే ఆ రోజు ఫ్యాన్స్కు పండగే. అయితే ఈ ముగ్గురు హీరోలు కలిసి ఇప్పటివరకు ఒకే తెరపై కనిపించింది లేదు. కానీ వీరి కలయికలో ఓ మల్టీస్టారర్ చిత్రం వస్తే బాగుంటుందని ఎప్పుటినుంచో అభిమానులు ఆశిస్తున్నారు. ఈ క్రమంలోనే ఇలాంటి వార్త ఒకటి బాలీవుడ్లో చక్కర్లు కొడుతోంది.
ఆమిర్ ఖాన్, కరీనా కపూర్ ప్రధాన పాత్రల్లో నటిస్తోన్న చిత్రం 'లాల్ సింగ్ చద్ధా'. హాలీవుడ్లో వచ్చిన 'ఫారెస్ట్ గంప్' ఆధారంగా తెరకెక్కుతోంది. 'సీక్రెట్ సూపర్ స్టార్' ఫేం అద్వైత్ చందన్ దర్శకత్వం వహిస్తున్నారు. అయితే ఇందులో ఆమిర్తో పాటు కీలక పాత్రల్లో సల్మాన్, షారుక్ కూడా నటిస్తున్నారని తెలిసింది. దీనిపై చర్చలు కూడా జరిగాయని సమాచారం. మరి ఇదే కనుక నిజమైతే ముగ్గురు ఖాన్లను ఒకే తెరపై చూడాలన్న సినీప్రేక్షకుల కల తీరుతుంది. ప్రస్తుతం 'లాల్ సింగ్ చద్ధా' చిత్రీకరణ జరుపుకుంటోంది. వచ్చే ఏడాది డిసెంబరులో ప్రేక్షకుల ముందుకి వచ్చే అవకాశముంది.
ఇదీ చూడండి :
థియేటర్లలోనే సల్మాన్, రణ్వీర్, అక్షయ్ సినిమాలు
