కథానాయకుడు గోపీచంద్ హీరోగా నటించిన 'సీటీమార్' చిత్ర విడుదల వాయిదా పడింది. ఈ విషయాన్ని దర్శకుడు సంపత్ నంది సోషల్ మీడియాలో శనివారం వెల్లడించారు. పోస్ట్ ప్రొడక్షన్లో ఆలస్యం కావడం, ప్రేక్షకులకు చిత్రంతో మంచి అనుభూతి ఇవ్వాలనే కారణంతో ఈ నిర్ణయం తీసుకున్నట్లు తెలిపారు. అయితే అందుకు మరో కారణం ఉందని టాలీవుడ్లో జోరుగా ప్రచారం జరుగుతోంది.
సినిమాలోని విజువల్ ఎఫెక్ట్స్పై నిర్మాణసంస్థ, దర్శకుడు సంతృప్తి చెందని కారణంగా చిత్ర విడుదలను వాయిదా వేసినట్లు తెలుస్తోంది. తొలుత ఏప్రిల్ 2న సినిమాను ప్రేక్షకుల ముందుకు తీసుకురావాలని చిత్రబృందం నిర్ణయించింది. ప్రస్తుత పరిస్థితుల నేపథ్యంలో సినిమా కొత్త రిలీజ్ డేట్ను త్వరలోనే ప్రకటిస్తామని తెలిపింది.
ఈ చిత్రంలో గోపీచంద్ సరసన తమన్నా హీరోయిన్గా నటించింది. వీరిద్దరూ కబడ్డీ కోచ్ల పాత్రలు పోషించారు. మణిశర్మ సంగీతమందించగా, శ్రీనివాస చిట్టూరి నిర్మాతగా వ్యవహరించారు.
ఇదీ చూడండి: 'వకీల్సాబ్' ట్రైలర్ అప్డేట్.. రికార్డుల మోతే ఇక?
